ప్రభుత్వ ఉద్యోగులకు గుడ్‌న్యూస్‌
కేంద్ర ప్రభుత్వ ఉద్యోగులకు.. ప్రధాని నరేంద్ర మోదీ సర్కార్‌ శుభవార్త చెప్పింది. ఎల్టీసీ (లీవ్‌ ట్రావెల్‌ కన్సెషన్‌) పథకం కింద ప్రీమియం రైళ్లలోనూ ప్రయాణించే వెసులుబాటును కల్పించింది.
By అంజి Published on 16 Jan 2025 7:08 AM IST
ప్రభుత్వ ఉద్యోగులకు గుడ్‌న్యూస్‌
కేంద్ర ప్రభుత్వ ఉద్యోగులకు.. ప్రధాని నరేంద్ర మోదీ సర్కార్‌ శుభవార్త చెప్పింది. ఎల్టీసీ (లీవ్‌ ట్రావెల్‌ కన్సెషన్‌) పథకం కింద ప్రీమియం రైళ్లలోనూ ప్రయాణించే వెసులుబాటును కల్పించింది. అధికారిక ఉత్తర్వుల ప్రకారం.. కేంద్రం తన ఉద్యోగులను తేజస్, వందే భారత్, హంసఫర్‌ వంటి ఎక్స్ప్రెస్ రైళ్లలో ప్రయాణించేందుకు అనుమతి ఇచ్చింది. దీని ప్రకారం.. ప్రభుత్వ సంస్థల ఉద్యోగులు ప్రయాణ సమయంలో వేతనంతో కూడిన సెలవుతో పాటు టికెట్‌ ఖర్చులకు రీయింబర్స్మెంట్ పొందవచ్చు.
ఎల్టీసీ కింద వివిధ ప్రీమియం రైళ్ల అనుమతి గురించి వివిధ కార్యాలయాలు/వ్యక్తుల నుండి డిపార్ట్‌మెంట్ ఆఫ్ పర్సనల్ అండ్ ట్రైనింగ్ (DoPT)కి అనేక సూచనలు అందిన తర్వాత ఈ చర్య తీసుకోబడింది.
"ఈ విషయాన్ని వ్యయ శాఖతో సంప్రదించి ఈ విభాగం పరిశీలించింది. ప్రస్తుత రాజధాని, శతాబ్ది, దురంతో రైళ్లలో కాకుండా, తేజస్ ఎక్స్ప్రెస్, వందే భారత్ ఎక్స్ప్రెస్ & హమ్‌సఫర్ ఎక్స్ప్రెస్ రైళ్లలో ఎల్‌టిసి కింద ప్రయాణించడానికి అర్హత ప్రకారం నిర్ణయించబడింది. ప్రభుత్వ ఉద్యోగులకు ఇప్పుడు అనుమతి ఉంది” అని మంగళవారం డిఓపిటి జారీ చేసిన ఉత్తర్వు పేర్కొంది. అర్హులైన కేంద్ర ప్రభుత్వ ఉద్యోగులు ఎల్‌టిసిని పొందినప్పుడు వేతనంతో కూడిన సెలవుతో పాటు ఇటు తిరిగి ప్రయాణాలకు టిక్కెట్ల రీయింబర్స్మెంట్ పొందుతారు.
