పంజాబ్‌లో క్లీన్‌స్వీప్‌కు ఆప్ సిద్ధం.. అభినందనలు తెలిపిన కేజ్రీవాల్
Arvind Kejriwal congratulates people on 'revolution' as AAP nears victory in Punjab. పంజాబ్‌లో ఆప్ క్లీన్‌స్వీప్‌కు సిద్ధమైనట్లు కనిపించడంతో, ఆ పార్టీ జాతీయ కన్వీనర్ అరవింద్ కేజ్రీవాల్ గురువారం రాష్ట్ర ప్రజలకు
By అంజి Published on 10 March 2022 8:37 AM GMT
పంజాబ్‌లో ఆప్ క్లీన్‌స్వీప్‌కు సిద్ధమైనట్లు కనిపించడంతో, ఆ పార్టీ జాతీయ కన్వీనర్ అరవింద్ కేజ్రీవాల్ గురువారం రాష్ట్ర ప్రజలకు అభినందనలు తెలిపారు. ''ఈ విప్లవానికి పంజాబ్ ప్రజలకు చాలా అభినందనలు'' అని ఢిల్లీ ముఖ్యమంత్రి కేజ్రీవాల్ హిందీలో ట్వీట్ చేశారు. ట్వీట్‌లో, అతను ఆప్ ముఖ్యమంత్రి అభ్యర్థి , ఎంపీ భగవంత్ మాన్‌తో కలిసి నిలబడి ఉన్న చిత్రాన్ని కూడా పోస్ట్ చేశాడు, ఇద్దరు నాయకులు ఫొటోల విజయ చిహ్నాన్ని చూపించారు. మధ్యాహ్నం 1:20 గంటలకు అందుబాటులో ఉన్న అప్‌డేట్స్‌ ప్రకారం.. 117 అసెంబ్లీ స్థానాల్లో 91 స్థానాల్లో ఆప్ ఆధిక్యంలో ఉంది.
పంజాబ్‌లో అధికార కాంగ్రెస్ పతనమైందని, బీఎస్పీతో పొత్తు పెట్టుకుని ఎన్నికల్లో పోటీ చేసిన ఎస్‌ఏడీ పెద్దగా ప్రభావం చూపలేకపోయిందని ఫలితాలు సూచిస్తున్నాయి. ఢిల్లీలో ఆప్ కార్యకర్తలు పార్టీ ప్రధాన కార్యాలయం వెలుపల గుమిగూడి సంబరాల్లో మునిగిపోయారు. పంజాబీ పాటలకు అనుగుణంగా నృత్యాలు చేశారు. పంజాబ్‌లో అధికారాన్ని నిలబెట్టుకోవాలని చూస్తున్న కాంగ్రెస్‌లో ఎన్నికలకు ముందు అంతర్గత సంక్షోభం ఏర్పడింది. పార్టీ ప్రస్తుతం 17 స్థానాల్లో ఆధిక్యంలో ఉంది. పంజాబ్ ముఖ్యమంత్రి చరణ్‌జిత్ సింగ్ చన్నీ చమ్‌కౌర్ సాహిబ్, బదౌర్ నుండి పోటీ చేసిన రెండు నియోజకవర్గాల నుండి వెనుకబడి ఉన్నారు.
