రామ్ చ‌ర‌ణ్ హీరోయిన్ ఎవ‌రి కోసం ప్ర‌చారం చేసిందో తెలుసా.?

బాలీవుడ్ నటి నేహా శర్మ బీహార్‌లో రోడ్ షోలో పాల్గొంది. 'తుమ్ బిన్-2' మరియు 'క్రూక్' వంటి చిత్రాలలో ముఖ్యమైన పాత్రలు పోషించిన నేహా శర్మ.. కాంగ్రెస్ టిక్కెట్‌పై భాగల్‌పూర్ లోక్‌సభ స్థానం నుండి పోటీ చేస్తున్న తన తండ్రి అజిత్ శర్మకు మద్దతుగా రోడ్ షోలో పాల్గొంది. తన రాజకీయ రంగ ప్రవేశానికి సంబంధించిన పుకార్ల వ‌స్తున్న నేప‌థ్యంలో నేహా.. తన తండ్రి కోసం మాత్రమే ప్రచారం చేస్తున్నానని స్పష్టం చేసింది.

నేహా శర్మ బంకా, కిషన్‌గంజ్, కతిహార్, పూర్నియాతో సహా బీహార్‌లోని వివిధ జిల్లాలలో తన ప్రయాణానికి సంబంధించిన‌ వీడియోను పంచుకున్నారు. ఆమె సంప్రదాయ సల్వార్ కమీజ్ ధరించి ప్రజలకు అభివాదం చేస్తూ వారిని ఓటు వేయమని కోరింది.

రోడ్ షో సందర్భంగా ఆమె మాట్లాడుతూ.. మీరు నాకు ఇచ్చిన ప్రేమ.. మద్దతుతో నా హృదయం నిండింది. పీర్‌పైంటి, కహల్‌గావ్‌లకు నన్ను స్వాగతిస్తున్నందుకు ధన్యవాదాలు అని పేర్కొంది. భాగల్‌పూర్ లోక్‌సభ స్థానానికి రెండో దశలో ఏప్రిల్ 26న ఎన్నికలు జరగనున్నాయి. ఈ స్థానంలో కాంగ్రెస్‌కు చెందిన అజిత్‌ శర్మ జేడీయూ అభ్యర్థి అజయ్‌కుమార్‌ మండల్‌పై పోటీ చేస్తున్నారు. ఇదిలావుంటే నేహా శర్మ.. రామ్ చ‌ర‌ణ్ తొలి సినిమా చిరుత‌లో హీరోయిన్‌గా న‌టించింది.