మెట్రో ప్రయాణికులకు గుడ్‌ న్యూస్‌

హైదరాబాద్‌ మెట్రో అంచెలంచెలుగా పరుగులుపెడుతోంది. జేబీఎస్‌ – ఎంజీబీఎస్‌ మార్గంలో 11 కిలోమీటర్ల మేర మెట్రో రైలు ప్రారంభం కానుంది. ఈ మెట్రోను ముఖ్యమంత్రి కేసీఆర్‌ లాంఛనంగా ప్రారంభించనున్నారు. శుక్రవారం సాయంత్రం 4 గంటలకు జేబీఎస్‌ వద్ద కేసీఆర్‌ మెట్రోరైలును ప్రారంభించనున్నారు. దీంతో గ్రేటర్‌ నగరంలో మొత్తం 69 కిలోమీట మెట్రో మార్గం అందుబాటులోకి రానుంది.  బీజేఎస్‌- ఎంజీబీఎస్‌ మార్గం ప్రారంభమైతే పరేడ్‌ గ్రౌండ్‌, సికింద్రాబాద్‌, గాంధీ ఆస్పత్రి, ముషీరాబాద్‌, ఆర్టీసీ క్రాస్‌ రోడ్‌, చిక్కడపల్లి, నారాయణగూడ, సుల్తన్‌బజార్‌, ఎంజీబీఎస్‌ మెట్రో స్టేషన్‌లు ఉంటాయి.

ఈ మార్గంలో జేబీఎస్‌ నుంచి ఎంజీబీఎస్‌ కు చేరుకోవడానికి 16 నిమిషాల సమయం పడుతుంది. ఈ మార్గంలో నిత్యం లక్ష మంది వరకు ప్రయాణికులు ప్రయాణిస్తారని మెట్రో అధికారులు అంచనా వేస్తున్నారు. కాగా, ఎల్బీనగర్‌ -మియాపూర్‌ -నాగోల్‌ -రాయదుర్గం రూట్లలో నిత్యం 4 లక్షల మంది రాకపోకలు సాగిస్తున్నారు. మొత్తం మూడు రూట్లలో 16 లక్షల మంది రాకపోకలు సాగిస్తారని మెట్రో అధికారులు అంచనా వేసినప్పటికీ, ఆ లక్ష్యం చేరుకోలేకపోయారు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.