ముఖ్యాంశాలు

  • ఇద్దరు దోషులుగా తేలుస్తూ జీవిత ఖైదు
  • యూపీ వరుస పేలుళ్లపై కోర్టు తీర్పు
  • 12ఏళ్లకు కోర్టు జడ్జిమెంట్‌

2007లో ఉత్తరప్రదేశ్ లో జరిగిన వరుస బాంబు పేలుళ్ల కేసులో కోర్టు సంచలన తీర్పునిచ్చింది. రాష్ట్రంలోని ఫైజాబాద్, లక్నో, వరణాసి నగరాల్లో వరుస పేలుళ్ల జరిగాయి. ఈ కేసులో ఇద్దరు దోషులకు జీవిత ఖైదు విధిస్తూ ప్రత్యేక కోర్టు సంచలన తీర్పు వెల్లడించింది. 2007, నవంబర్‌ 23న ఉగ్రవాదులు ఫైజాబాద్, లక్నో, వరణాసి నగరాల్లో ఉగ్రవాదులు ముహమ్మద్ తారిఖ్, ముహమ్మద్ అఖ్తర్ లు వరుస బాంబు పేలుళ్లకు పాల్పడ్డారు.

ఈ పేలుళ్లు జరిగిన తర్వాత 12 ఏళ్లకు కోర్టు తీర్పు వెలువరించింది. ప్రత్యేక కోర్టు అదనపు జిల్లా జడ్జి అశోక్ కుమార్ ఈ తీర్పునిస్తూ, ఇద్దరు దోషులకు జీవిత ఖైదుతో పాటు రూ.50వేల జరిమానా చెల్లించాలని వెల్లడించారు. కాగా, ఈ పేలుళ్లలో పాల్గొన్న మూడో నిందితుడు సజ్జాద్ రెహమాన్ పై ఎలాంటి ఆధారాలు లేకపోవడంతో అతన్ని నిర్దోషిగా ప్రకటిస్తూ విడుదల చేశారు. ఈ కేసుపై కోర్టు సరైన తీర్పు ఇచ్చిందని ఫైజాబాద్ బార్ అసోసియేషన్ అధ్యక్షుడు విజయ్ బహదూర్ సింగ్ పేర్కొన్నారు. ఈ వరుస బాంబు పేలుళ్లలో నలుగురు మృతి చెందగా, మరో 26 మంది గాయపడ్డారు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.