దారుణం.. 15 రోజుల కూతురిని సజీవంగా పూడ్చి పెట్టిన తండ్రి

పక్కదేశం పాకిస్థాన్‌లో దారుణ ఘటన చోటు చేసుకుంది. సింధ్‌లో ఒక తండ్రి తన 15 రోజుల కుమార్తెను సజీవంగా పాతిపెట్టాడు. ఈ ఘాతుకానికి పాల్పడినందుకు అతడిని అరెస్టు చేసినట్లు స్థానిక మీడియా చెప్పిందని వార్తా సంస్థ ఏఎన్‌ఐ రిపోర్ట్‌ చేసింది.

పాకిస్తాన్ వార్తా ఛానెల్ ఏఆర్‌వై న్యూస్ ప్రకారం.. తయ్యబ్‌గా గుర్తించబడిన అనుమానితుడు నేరాన్ని అంగీకరించాడు. ఆర్థిక పరిస్థితులు తన పసికందుకి వైద్య చికిత్సను అందించకుండా నిరోధించాయని పేర్కొన్నాడు. తన నవజాత శిశువును పాతిపెట్టే ముందు గోనె సంచిలో ఉంచినట్లు తయ్యబ్ పోలీసుల ఎదుట అంగీకరించాడు. తయ్యబ్‌పై కేసు నమోదైంది. ఫోరెన్సిక్ పరీక్ష, పోస్ట్‌మార్టం ప్రక్రియల కోసం చిన్నారి సమాధిని తెరవడానికి అధికారులు కోర్టు ఆదేశాల కోసం ఎదురు చూస్తున్నారు.

ఇదిలా ఉంటే.. లాహోర్‌లోని డిఫెన్స్ బి ప్రాంతంలో జరిగిన ఒక ప్రత్యేక సంఘటనలో, భార్యాభర్తలు 13 ఏళ్ల ఇంటి పనిమనిషిని బట్టలు విప్పడం, శారీరకంగా హింసించడంతో సహా తీవ్ర వేధింపులకు గురిచేశారని ఏఎన్‌ఐ రిపోర్ట్ చేసింది. బాధితురాలి తల్లి ఫిర్యాదు మేరకు నిందితుడు హస్సమ్‌పై ప్రథమ సమాచార నివేదిక (ఎఫ్‌ఐఆర్) నమోదు చేసి అదుపులోకి తీసుకున్నారు. అతడి భార్యను అదుపులోకి తీసుకునేందుకు ప్రయత్నాలు కొనసాగుతున్నాయి. ఎఫ్ఐఆర్ ప్రకారం.. బాధితురాలు, తెహ్రీమ్, దొంగతనం అనుమానంతో నగ్న వివస్త్రతో సహా నిరంతర శారీరక వేధింపులకు గురయ్యింది. వైద్య పరీక్షల అనంతరం తెహ్రీమ్‌ను ఆమె తల్లి సంరక్షణలో ఉంచారు.