UK: మద్యం మత్తులో యువతిపై భారతీయ విద్యార్థి అత్యాచారం.. వీడియో వైరల్

బ్రిటన్‌లో ఓ భారతీయ విద్యార్థి దారుణానికి ఒడిగట్టాడు. మద్యం మత్తులో ఉన్న ఓ మహిళను తన ఫ్లాట్‌కు తీసుకెళ్లి అత్యాచారం చేశాడు. దీనికి సంబంధించిన దృశ్యాలు సీసీ టీవీ కెమెరాల్లో రికార్డయ్యాయి. ఈ ఘటనకు సంబంధించిన వీడియో సోషల్ మీడియాలో విపరీతంగా వైరల్ అవుతోంది. ఈ కేసులో సదరు విద్యార్థికి జైలు శిక్ష పడింది. బీబీసీ కథనం ప్రకారం.. సదరు భారతీయ విద్యార్థి పేరు ప్రీత్‌ వికల్. అతడి వయస్సు 20 సంవత్సరాలు. ఫుటేజీలో ప్రీత్ వికల్ కార్డిఫ్ సిటీ సెంటర్ గుండా "మత్తులో ఉన్న" స్త్రీని తన చేతుల్లో, భుజాల మీదుగా మోసుకెళ్ళినట్లు చూపించింది.

20 ఏళ్ల యువకుడు అత్యాచారం చేసినట్లు అంగీకరించాడు. దీంతో నిందితుడికి ఆరు సంవత్సరాల తొమ్మిది నెలల జైలు శిక్ష పడింది. గత జూన్‌లో జరిగిన దాడితో తాను నిద్రపోలేకపోయానని ఆ మహిళ తెలిపింది. స్నేహితులతో కలిసి రాత్రి బయటకు వెళ్లినప్పుడు ఆ మహిళ ప్రీత్ వికాల్‌ని కలిసింది. మహిళ ఇంటికి నడుస్తూ వెళ్తున్న సమయంలో.. ఆమె తన స్నేహితుల నుండి విడిపోయింది. తరువాత కింగ్ ఎడ్వర్డ్ VII అవెన్యూ, నార్త్ రోడ్‌లో ప్రీత్ వికాల్ తీసుకువెళుతున్నట్లు సీసీటీవీలో కనిపించింది.

ఆపై ఆమెను నార్త్ రోడ్ ప్రాంతంలోని రూమ్‌కి తీసుకెళ్లి అత్యాచారం చేశాడు. "ఇలాంటి స్ట్రేంజర్ దాడులు కార్డిఫ్‌లో చాలా అసాధారణమైనవి, కానీ ప్రీత్ వికల్‌ ప్రమాదకరమైన వ్యక్తి. అతను తన స్నేహితుల నుండి విడిపోయిన మత్తులో ఉన్న యువతిని వశపర్చుకున్నాడు”అని సౌత్ వేల్స్ పోలీసులు తెలిపారు. సీసీటీవీ ఫుటేజీ "విస్తృత" విశ్లేషణ తర్వాత ప్రీత్ వికల్‌ను గుర్తించి అరెస్టు చేశామని చెప్పారు. అతను తన శిక్షలో మూడింట రెండు వంతులను కస్టడీలో మరియు మిగిలినది లైసెన్స్‌పై అనుభవిస్తాడని బీబీసీ రిపోర్ట్ చేసింది.