ఘోర అగ్నిప్ర‌మాదం.. 20 మంది వృద్దులు స‌జీవ ద‌హ‌నం
20 Killed After Fire Breaks Out At Russian Home For Elderly.ర‌ష్యా దేశంలో భారీ అగ్నిప్ర‌మాదం సంభ‌వించింది
By తోట వంశీ కుమార్‌ Published on 24 Dec 2022 9:57 AM IST
ర‌ష్యా దేశంలో భారీ అగ్నిప్ర‌మాదం సంభ‌వించింది. ఈ ప్ర‌మాదంలో 20 మంది వృద్ధులు స‌జీవ ద‌హ‌నం అయ్యారు.
సైబీరియాలోని కెమెరోవో నగరంలోని ఓ వృద్ధుల గృహంలో శుక్ర‌వారం అగ్నిప్ర‌మాదం జ‌రిగింది. స‌మాచారం అందుకున్న వెంట‌నే అగ్నిమాప‌క సిబ్బంది వెంట‌నే ఘ‌ట‌నాస్థ‌లానికి చేరుకున్నారు. అయితే.. అప్ప‌టికే 20 మంది వృద్ధులు స‌జీవ ద‌హ‌నం అయ్యారు. ఈ ఘ‌ట‌న‌లో భ‌వ‌నంలోని రెండో అంత‌స్తు మొత్తం కాలిపోయింద‌ని ఫైర్ సేఫ్టీ అధికారి తెలిపారు. చాలా క‌ష్ట‌ప‌డి మంట‌ల‌ను అదుపులోకి తీసుకువ‌చ్చిన‌ట్లు వెల్ల‌డించారు.
శిథిలాల కింద ఇంకా ఎవ‌రైనా చిక్కుకుని ఉంటారేమోన‌న్న అనుమానంలో తీవ్ర‌మైన చ‌లిగాలుల మ‌ధ్య స‌హాయ‌క చ‌ర్య‌లు కొన‌సాగుతున్నాయి. ఈ భ‌వ‌నంలో వృద్దాశ్ర‌మం నిర్వ‌హించడానికి ఎలాంటి అనుమ‌తులు లేవ‌న్నారు. ఎలాంటి రిజిస్ట్రేష‌న్ లేకుండానే చాలా మంది వృద్దాశ్ర‌మాల‌ను నిర్వ‌హిస్తున్నార‌ని అధికారులు తెలిపారు. దీంతో అధికారుల ప‌ర్య‌వేక్ష‌ణ కొర‌వ‌డింద‌న్నారు. వీటిని ప్రైవేటు ఆస్తిగా చూస్తున్న‌ట్లు చెప్పారు.
