అమెరికాలోని న్యూయార్క్ నగరంలో భారీ అగ్ని ప్రమాదం జరిగింది. ఓ అపార్ట్‌మెంట్‌లో జరిగిన అగ్నిప్రమాదంలో 9 మంది చిన్నారులతో సహా 19 మంది చనిపోయారు. ఇటీవలి కాలంలో జరిగిన అత్యంత ఘోరమైన అగ్ని ప్రమాదాల్లో ఇది ఒకటిగా నగర అగ్నిమాపక కమిషనర్ పేర్కొన్నారు. మేయర్ ఎరిక్ ఆడమ్స్ సీనియర్ సలహాదారు స్టీఫన్ రింగెల్ మరణించిన వారి సంఖ్యను ధృవీకరించారు. అయితే బహిరంగంగా మాట్లాడటానికి అధికారం లేని ఒక నగర అధికారి చనిపోయిన పిల్లల సంఖ్యను ధృవీకరించారు.60 మందికి పైగా ప్రజలు గాయపడ్డారు. ఆసుపత్రిలో 13 మంది పరిస్థితి విషమంగా ఉందని రింగెల్ చెప్పారు.

చాలా మంది బాధితులు తీవ్రమైన పొగ పీల్చడం వల్ల బాధపడుతున్నారని ఎఫ్‌డీఎన్‌వై కమిషనర్ డేనియల్ నిగ్రో తెలిపారు. ఎఫ్‌డీఎన్‌వై ప్రకారం.. తూర్పు 181వ వీధిలోని 19-అంతస్తుల భవనం అయిన బ్రోంక్స్ ట్విన్ పార్క్ అపార్ట్‌మెంట్స్‌లో మంటలు చెలరేగాయి. సహాయక చర్యల్లో సుమారు 200 మంది అగ్నిమాపక సిబ్బంది పాల్గొన్నారు. నిగ్రో ప్రకారం.. అగ్ని ప్రమాదం రెండవ, మూడవ అంతస్తులలో డ్యూప్లెక్స్ హౌజ్‌లో చోటు చేసుకుంది.. అగ్నిమాపక సిబ్బంది అపార్ట్‌మెంట్ తలుపు తెరిచి ఉందని కనుగొన్నారు. ఇది మంటలను వేగవంతం చేయడానికి, త్వరగా పైకి పొగ వ్యాపించడానికి కారణమైందని అతను చెప్పాడు.

మంటల చెలరేగడానికి గల కారణం అనుమానాస్పదంగా లేదని చెబుతున్నారు. అయితే కారణం దర్యాప్తులో తేలనుంది. నిగ్రో మంటల తీవ్రతను హ్యాపీ ల్యాండ్ సోషల్ క్లబ్ అగ్నిప్రమాదంతో పోల్చాడు. 1990లో ఒక వ్యక్తి తన మాజీ ప్రియురాలితో వాగ్వాదానికి దిగి క్లబ్ నుండి బయటకు పంపబడిన తర్వాత భవనానికి నిప్పంటించినప్పుడు 87 మంది మరణించారు.ఫిలడెల్ఫియాలోని ఇంట్లో అగ్ని ప్రమాదంలో ఎనిమిది మంది పిల్లలతో సహా 12 మంది మరణించిన కొద్ది రోజులకే ఆదివారం ఈ అగ్ని ప్రమాదం జరిగింది.

అంజి

నేను గోనె అంజి. న్యూస్‌ మీటర్‌ తెలుగులో సబ్‌ ఎడిటర్‌గా విధులు నిర్వర్తిస్తున్నాను. గతంలో 99టీవీ, మోజో టీవీ, ఐ న్యూస్‌, ప్రైమ్‌ 9 న్యూస్‌ ఛానెళ్లలో న్యూస్‌ కాపీ ఎడిటర్‌గా పని చేశాను. జర్నలిజం పట్ల ఇష్టంతో ఈ వృత్తిని ఎంచుకున్నాను. 2018లో బ్యాచ్‌లర్‌ ఆఫ్‌ ఆర్ట్స్‌ జర్నలిజంలో డిగ్రీ పట్టా పొందాను.

Next Story