చెట్టును ఢీకొట్టిన బస్సు.. 14 మంది మృతి, 20 మందికి గాయాలు

థాయ్‌లాండ్‌లో ఘోర రోడ్డు ప్రమాదం చోటు చేసుకుంది. డబుల్‌ డెక్కర్‌ బస్సు అదుపు తప్పి చెట్టును ఢీకొట్టింది. ఈ ఘటనలో 14 మంది ప్రయాణికులు మృతి చెందారు. 20 మందికి పైగా గాయపడ్డారని ప్రభుత్వ యాజమాన్యంలోని ట్రాన్స్‌పోర్ట్ కంపెనీ మంగళవారం ఒక ప్రకటనలో తెలిపింది. బస్సు బ్యాంకాక్ నుండి దక్షిణం వైపు వెళ్తుండగా ఈ ప్రమాదం జరిగింది. దేశంలోని పశ్చిమ ప్రావిన్స్‌లోని ప్రచువాప్ ఖిరీ ఖాన్‌లో అర్ధరాత్రి ఈ ప్రమాదం జరిగింది. స్టేట్ బ్రాడ్‌కాస్టర్ థాయ్‌పిబిఎస్ ప్రకారం.. ఈ ఘోర ప్రమాదం తర్వాత బస్సు ముందు భాగం పూర్తిగా ధ్వంసమైంది.

బస్సు శిథిలాల్లో చిక్కుకున్న ప్రయాణికులను రెస్క్యూ సిబ్బంది బయటకు తీసి ఆస్పత్రికి తరలించారు. గాయపడిన వారందరూ ఆసుపత్రిలో చికిత్స పొందుతున్నారు, ప్రమాదానికి గల కారణాలపై దర్యాప్తు జరుపుతున్నట్లు ప్రకటన పేర్కొంది. ప్రమాదానికి కారణం నిర్ధారించబడలేదు, అయితే డ్రైవర్ - తీవ్రంగా గాయపడినప్పటికీ ప్రాణాలతో బయటపడ్డాడు. తగినంత నిద్ర లేకపోవచ్చునని పోలీసులు అనుమానిస్తున్నారు. "అతని రక్తంలో ఆల్కహాల్ స్థాయిని తనిఖీ చేయడానికి మేము ఆసుపత్రితో సహకరిస్తున్నాము" అని అధికారి చెప్పారు. మృతులంతా థాయ్‌ దేశస్థులేనా అనే కోణంలో పోలీసులు ఇంకా దర్యాప్తు చేస్తున్నారు.