మహిళను కర్రతో కొట్టిన పోలీసు.. సైఫాబాద్‌లో ఉద్రిక్తత

Tension in Saifabad after cop hits woman with stick. శుక్రవారం రాత్రి హైదరాబాద్‌ నగరంలోని సైఫాబాద్‌లో ప్రమాదం జరిగిన తర్వాత జనాన్ని చెదరగొట్టేందుకు ప్రయత్నించిన

By అంజి
Published on : 19 Feb 2022 10:43 AM IST

మహిళను కర్రతో కొట్టిన పోలీసు.. సైఫాబాద్‌లో ఉద్రిక్తత

శుక్రవారం రాత్రి హైదరాబాద్‌ నగరంలోని సైఫాబాద్‌లో ప్రమాదం జరిగిన తర్వాత జనాన్ని చెదరగొట్టేందుకు ప్రయత్నించిన ఓ మహిళను ఓ పోలీసు కర్రతో కొట్టడంతో స్వల్ప ఉద్రిక్తత నెలకొంది. సైఫాబాద్ పీఎస్ వద్ద జనం భారీగా నిరసన చేపట్టారు. పోలీసులు తెలిపిన వివరాల ప్రకారం.. ఈ సంఘటన అర్ధరాత్రి సమయంలో జరిగింది. ఓ వ్యక్తి బస్సును వేగంగా నడపడంతో కారులో ప్రయాణిస్తున్న వ్యక్తులు ప్రైవేట్ బస్సు డ్రైవర్‌ను ఆపారు. బస్సు డ్రైవర్‌కు, కారు డ్రైవర్‌కు మధ్య వాగ్వాదం జరిగింది. దీంతో జనం భారీగా చుట్టు ముట్టారు.

సమాచారం అందుకున్న సబ్‌ఇన్‌స్పెక్టర్‌ వై సూరజ్‌ కుమార్‌ ఆధ్వర్యంలో పోలీసు బృందం ఘటనా స్థలానికి చేరుకుని జనాన్ని చెదరగొట్టే ప్రయత్నం చేసింది. ఎస్‌ఐ ఒక మహిళను కర్రతో కొట్టాడని, ఆ తర్వాత ఎక్కువ మంది గుమిగూడి పోలీసుపై చర్యలు తీసుకోవాలని డిమాండ్ చేశారు. సమస్య తలెత్తడంతో భారీ పోలీసు బలగాలను మోహరించారు. "బోయిన్‌పల్లికి చెందిన కారు డ్రైవర్ రిజ్వాన్‌పై బస్సు డ్రైవర్, ప్రయాణికులు దాడి చేశారు. వారందరిపై కేసు నమోదు చేస్తామన్నారు. సబ్ ఇన్‌స్పెక్టర్‌పై కూడా చర్యలు తీసుకుంటామని అదనపు డీసీపీ (వెస్ట్) ఇక్బాల్ సిద్ధిఖీ తెలిపారు.




Next Story