హైదరాబాద్‌లో వరదలను తగ్గించడానికి, భూగర్భ జలాలను పెంచడానికి ఈ పని చేస్తే చాలా?

భారీ వర్షాల కారణంగా హైదరాబాద్‌లోని పలు ప్రాంతాలను వరదలు ముంచెత్తాయి. అయితే కుందన్‌బాగ్, వాయుపురి.. ఇతర కాలనీలలో మాత్రం పరిస్థితి వేరేలా ఉంది. వర్షపు నీటి సేకరణ (RWH) వ్యవస్థ సత్ఫలితాలను ఇస్తోంది. ఈ ప్రాంతాలు వరదలను సమర్థవంతంగా నిరోధించాయి, అదే సమయంలో భూగర్భ జలాల స్థాయిలను కూడా పెంచాయి.

హైదరాబాద్‌లో వర్షపు నీటి సేకరణ ప్రభావం:

కుందన్‌బాగ్, వాయుపురి ప్రాంతాల్లో వర్షపు నీటిని ఎలా సంరక్షించవచ్చో, వరదలను ఎలా తగ్గించవచ్చో చెప్పవచ్చు. ఈ కాలనీలలో ఇళ్ళు, ఉద్యానవనాలు, వీధుల చుట్టూ వ్యూహాత్మకంగా ఉంచిన RWH గుంటల నెట్‌వర్క్ ద్వారా వర్షపు నీటిని సేకరిస్తారు. ఈ గుంటలు వర్షపు నీటిని సేకరిస్తాయి, నిల్వ చేస్తాయి. స్థానిక జలాశయాలను రీఛార్జ్ చేయడానికి భూగర్భంలోకి పంపుతాయి.

వాయుపురిలో చాలా కాలంగా నివసిస్తున్న రవి కుమార్ మాట్లాడుతూ “గతంలో, మా వీధులు కేవలం కొన్ని గంటల వర్షం కురిసినా వరదలు వచ్చేవి. మేము రెయిన్వాటర్ హార్వెస్టింగ్ సిస్టమ్‌ని ఇన్‌స్టాల్ చేసినప్పటి నుండి, నీటి ఎద్దడి గణనీయంగా తగ్గడాన్ని మేము గమనించాము. గతంలో వరదలకు కారణమయ్యే నీటి కారణంగా భూగర్భ జలాలు అడుగంటిపోకుండా ఆపుతుంది" అని తెలిపారు. ఆర్కిటెక్ట్, నీటి సంరక్షణలో తన వంతు పాత్ర పోషిస్తూ ఉన్న కల్పనా రమేష్ మాట్లాడుతూ “ఈ ప్రాంతాల్లోని RWH వ్యవస్థలు డ్రైనేజీ వ్యవస్థలపై భారాన్ని గణనీయంగా తగ్గించాయి. వీధుల్లో నీరు పేరుకుపోవడానికి బదులుగా, అది భూమిలోకి మళ్లించబడుతుంది, పట్టణ ప్రాంతాలలో వరదల కంటే భూగర్భజలాల రీఛార్జ్‌కు కారణం అవుతాయి." అని తెలిపారు.

రెయిన్ వాటర్ హార్వెస్టింగ్ ఎలా పనిచేస్తుంది:

రెయిన్ వాటర్ హార్వెస్టింగ్ అనేది పైకప్పులు, చదును చేసిన ఉపరితలాలు, ఇతర పరీవాహక ప్రాంతాల నుండి వచ్చే ప్రవాహాన్ని గ్రహిస్తాయి. ఈ నీటిని ఫిల్టర్ చేసి రీఛార్జ్ పిట్స్ లేదా స్టోరేజీ ట్యాంకుల్లోకి మళ్లిస్తారు. సేకరించిన నీటిని నేరుగా ఉపయోగించవచ్చు లేదా భూమిలోకి పంపించవచ్చు.. అలా చేస్తే భూగర్భజలాల స్థాయిలను పెంచుతుంది.

కుందన్‌బాగ్, వాయుపురిలో, RWH వ్యవస్థలు పెద్ద పరిమాణంలో నీటిని కాపాడుకోడానికి రూపొందించారు. మాడ్యులర్ పిట్స్, ట్రెంచ్‌లు, ఫిల్టర్‌లతో అమర్చి ఉంటారు. వర్షపు నీరు భూమిలోకి ప్రవేశించే ముందు కలుషితాలు లేకుండా ఫిల్టర్ చేస్తారు. ఈ వ్యవస్థలు కాంపాక్ట్, రోజువారీ కార్యకలాపాలు లేదా అవస్థాపనకు అంతరాయం కలిగించవు.

కుందన్‌బాగ్ నివాసి అయిన సుమా రావు మాట్లాడుతూ, “వర్షపు నీటి సంరక్షణలో మార్పు వస్తుందా అనే దానిపై నాకు మొదట్లో సందేహం ఉండేది, కానీ ఇటీవల కురిసిన వర్షాల సమయంలో అది ఎంత బాగా పని చేస్తుందో చూసిన తర్వాత, నాకు నమ్మకం కలిగింది. ఇది వరదలను నివారించడమే కాకుండా, నీటిని సంరక్షించడానికి మా వంతు కృషి చేస్తున్నామని తెలిసి ఆనందంగా ఉన్నాము" అని అన్నారు.

రెయిన్ వాటర్ హార్వెస్టింగ్ పిట్స్ ప్రయోజనాలు:

వరదలను నివారిస్తుంది: కుందన్‌బాగ్, వాయుపురిలో ఉన్నట్లుగా.. RWH గుంటలు పెద్ద మొత్తంలో వర్షపు నీటిని నిల్వ చేయడంలో సహాయపడతాయి.

భూగర్భజల స్థాయిలను పెంచుతుంది: వర్షపు నీటిని భూమిలోకి పంపడం ద్వారా, ఈ గుంటలు స్థానిక జలాశయాలలో నీటిని తిరిగి నింపడంలో సహాయపడతాయి. ఎండా కాలాల్లో కూడా భూగర్భజలాలు తగ్గకుండా ఉంటాయి.

రక్షణ: సరిగ్గా రూపొందించిన RWH వ్యవస్థలు రోడ్లు, భవనాలు, ఇతర మౌలిక సదుపాయాలను దెబ్బతీసే నీటి ఎద్దడిని నిరోధిస్తాయి. ఈ కాలనీల్లో ఇటీవల కురిసిన భారీ వర్షాలకు నష్టం జరిగిన దాఖలాలు లేవు.

రెయిన్ వాటర్ హార్వెస్టింగ్ విజయవంతమైందనే దానికి ఉదాహరణలు:

గచ్చిబౌలిలోని రోలింగ్ హిల్స్ గేటెడ్ కమ్యూనిటీ కూడా రెయిన్ వాటర్ హార్వెస్టింగ్ విషయంలో విజయం సాధించింది. 28 వర్షపు నీటి నిల్వ గుంతలు, 16 ఇంజక్షన్ బోర్‌వెల్‌లతో.. తీవ్రమైన వేసవిలో కూడా ఈ ప్రాంతం నీటి ట్యాంకర్లపై ఆధారపడటం లేదు.

ఈ ప్రాంత నివాసి అనిల్ శర్మ మాట్లాడుతూ “వర్షపు నీటి సంరక్షణలో మా ప్రయత్నం ఫలించింది. మేము బయటి నీటి వనరులపై ఆధారపడటాన్ని తగ్గించడమే కాకుండా, ఈ ప్రాంతంలో తరచుగా సంభవించే వరదలను తగ్గించాము."

అదేవిధంగా, బొలారంలోని రాష్ట్రపతి నిలయంలో వర్షపు నీటి సంరక్షణ ప్రయత్నాలు కూడా మంచి ఫలితాలను అందించాయి. రాతి భూభాగం ఉన్న ప్రాంతాలలో కూడా రెయిన్ వాటర్ హార్వెస్టింగ్ ద్వారా ఎలాంటి ప్రయోజనం పొందవచ్చో నిరూపించింది. భూవిజ్ఞాన శాస్త్రవేత్తలు, వాస్తుశిల్పులతో కలిసి పనిచేయడం ద్వారా, వర్షపు నీటిని సంగ్రహించడానికి, నిల్వ చేయడానికి సమర్థవంతమైన పరిష్కారాలు అమలు చేస్తున్నారు. రాతి ప్రాంతాలు RWHకి అనుచితమైనవి కావనే అపోహను కూడా తొలగించాయి.

హైదరాబాద్ లో వరదలను తట్టుకునేలా:

కుందన్‌బాగ్, వాయుపురి, రోలింగ్ హిల్స్ వంటి కాలనీలలో కనిపిస్తున్న ప్రయోజనాలు పట్టణ ప్రణాళికలో వర్షపు నీటి సంరక్షణ ప్రాముఖ్యతను చాటి చెబుతున్నాయి.

వాయుపురి నివాసి రాజేష్ అయ్యర్ మాట్లాడుతూ.. “వర్షపు నీటి సంరక్షణ ప్రభావం గురించి మనకు మరింత అవగాహన అవసరం. ఇది నీటిని సంరక్షించడం గురించి మాత్రమే కాదు- తీవ్రమైన వాతావరణ ప్రభావాల నుండి మన ఇళ్లను, సంఘాలను రక్షిస్తాయి" అని తెలిపారు. ప్రభుత్వం మరియు పౌర సంస్థలు రెయిన్వాటర్ హార్వెస్టింగ్ సిస్టమ్‌ల ఏర్పాటుకు ప్రోత్సాహకాలు, మద్దతును అందించాలి. ఇప్పటికే ఉన్న నిర్మాణాలను పునరుద్ధరించినా లేదా RWHని కొత్త నిర్మాణాలలో చేర్చినా ఈ ప్రయత్నాలు హైదరాబాద్‌ను వరదలను తట్టుకునేలా చేయడంలో చాలా సహాయపడతాయి.