వాహనదారులు ఇకపై చలానాలు ఒక్కటి ఉన్నా టెన్షన్ పడాల్సిందే
వాహనదారులు తమ వాహనాలపై పడ్డ చలానాలను లైట్ గా తీసుకుంటే మాత్రం ఇబ్బందులు ఎదుర్కోకతప్పదు. కొందరు ఎన్ని చలానాలు ఉన్నా కూడా కనీసం పట్టించుకోకుండా.. పోలీసులు పట్టుకుని అడిగినప్పుడు కడదాంలే అనుకుంటే మాత్రం ఇకపై కష్టమే..! చలానాల విషయంలో అలసత్వం ప్రదర్శించారంటే బండి కాస్తా సీజ్ అవుతుంది. హైదరాబాద్ లో జరిగిన ఘటన ఇందుకు నిదర్శనం. ఒక్క చలానా పెండింగ్ లో ఉన్నా నిబంధనల ప్రకారం వాహనాన్ని సీజ్ చేయొచ్చని మాదాపూర్ ట్రాఫిక్ సీఐ శ్రీనివాసులు స్పష్టం చేశారు.
ఆదివారం పర్వత్ నగర్ చౌరస్తాలో నిఖిలేష్ అనే న్యాయవాది బైక్ ను ఒక చలానా పెండింగ్ ఉందని మాదాపూర్ ట్రాఫిక్ పోలీసులు బైక్ ని సీజ్ చేశారు. కూకట్‌పల్లి కోర్టులో న్యాయవాదిగా పనిచేస్తున్న నిఖిలేష్ తొగరి బైకును ఆదివారం పర్వత్‌నగర్‌ చౌరస్తాలో ట్రాఫిక్ పోలీసులు ఆపారు. ఆ బైకుపై రూ.1650 చలానా పెండింగ్ ఉందని, చెల్లించాలని ఎస్‌ఐ మహేంద్రనాథ్‌ కోరారు. చలనా కట్టేందుకు న్యాయవాది నిరాకరించారు. దీంతో పోలీసులు బైక్ ను సీజ్ చేశారు. ఒక్క చలానాకే బండిని ఎలా సీజ్ చేస్తారని న్యాయవాది అడగ్గా మాదాపూర్ ట్రాఫిక్ సీఐ క్లారిటీ ఇచ్చారు. రూల్స్ ప్రకారమే బండి సీజ్ చేశామని స్పష్టం చేశారు. ఒక్క చలానా పెండింగ్ ఉన్నా వాహనాన్ని సీజ్ చేయొచ్చని తెలిపారు. చలానాలు కట్టకుండా నిర్లక్ష్యంగా వ్యవహరిస్తున్న వాళ్లకు ఇది షాకింగ్ అంశమే..! కాబట్టి పెండింగ్ లో ఉన్న చలానాలు కట్టేయండి. ఏదైనా ముఖ్యమైన పని మీద వెళ్లే సమయంలో బండిని పోలీసులు సీజ్ చేస్తే మాత్రం బాధపడాల్సి ఉంటుంది.
Medi Samrat
A self-motivated and inspired journalist with a passion for telling truth and delivering meaningful news to the public. Over six-plus years of experience in delivering top-notch content to digital and print media. Highly active on social media by engaging the public with unique stories. Kickstarted his career as a reporter at Andhra Prabha for two years and later joined as a sub-editor in Bhaarat Today for two years where he learned and explored the news space differently. Presently, he working as news editor for NewsMeter Telugu. He says working at NewsMeter Telugu helped him to unleash his potential and one of the best journeys of his career in learning new things on a daily basis.
Next Story
