రెండు రోజుల పాటు మ‌ద్యం దుకాణాలు బంద్‌

గ్రేటర్​ హైదరాబాద్‌లో బోనాల పండుగ సందర్భంగా మద్యం దుకాణాలకు సెలవు ప్రకటిస్తూ హైదరాబాద్​ సిటీ కమిషనర్​ సీవీ ఆనంద్​ ఆదేశాలు​ జారీ చేశారు. ఈస్ట్​, వెస్ట్​ జోన్​ పరిధిలో ఆదివారం మద్యం దుకాణాలు మూసివేయాలని ఆదేశించారు. శనివారం రాత్రి 11 గంటల తర్వాత మూసివేయనున్నారు. సౌత్​ జోన్​‌లో మాత్రం రెండు రోజుల పాటు వైన్​ షాపులతో పాటుగా బార్లు, క్లబ్బులు సహా అన్నింటినీ మూసివేయాలని ఆదేశించారు. సౌత్​ జోన్‌లో ఆదివారం, సోమవారం రెండు రోజులు మూసివేయాలని, శనివారం రాత్రి మూసివేసిన తర్వాత మంగళవారం తిరిగి తెరుచుకోవాలని సర్క్యులర్​ లో తెలిపారు.