స్వీట్‌లో ఫంగస్.. హైదరాబాద్‌లోని కరాచీ బేకరీకి జరిమానా
Karachi Bakery fined after customer complains of fungus in sweet . గ్రేటర్ హైదరాబాద్ మున్సిపల్ కార్పొరేషన్ (జిహెచ్‌ఎంసి) నగరంలోని ప్రముఖ బేకరీలో ఫంగస్ ఉన్న స్వీట్‌ను విక్రయించినందుకు
By అంజి Published on 3 Jan 2022 7:48 AM GMT
గ్రేటర్ హైదరాబాద్ మున్సిపల్ కార్పొరేషన్ (జిహెచ్‌ఎంసి) నగరంలోని ప్రముఖ బేకరీలో ఫంగస్ ఉన్న స్వీట్‌ను విక్రయించినందుకు రూ.10,000 జరిమానా చెల్లించాలని ఆదేశించింది. ఫిర్యాదుదారు ప్రకారం.. అతను శనివారం కరాచీ బేకరీ యొక్క ఖాజాగూడ బ్రాంచ్ నుండి స్వీట్ కొనుగోలు చేశాడు. బాక్స్‌ తెరిచినప్పుడు అందులోని స్వీట్‌లో ఫంగస్ కనిపించింది. దీంతో అతడు ట్విట్టర్ ద్వారా పౌరసరఫరాల సంస్థను ఆశ్రయించగా, వెంటనే జీహెచ్‌ఎంసీ స్పందిస్తూ సంబంధిత అధికారులను అప్రమత్తం చేశామని, వీలైనంత త్వరగా సమస్యను పరిష్కరిస్తామని చెప్పారు.
బేకరీలో పారిశుధ్య లోపం, వ్యర్థాల తొలగింపు, ప్లాస్టిక్‌ వినియోగం, మురుగునీటి పారుదల వ్యవస్థ సరిగా లేకపోవడం, కోవిడ్‌ నిబంధనలు పాటించకపోవడం వంటి అంశాలను సర్కిల్‌ అసిస్టెంట్‌ మెడికల్‌ ఆఫీసర్‌ కెఎస్‌ రవి, ఫుడ్‌ కాంటామినేషన్‌ కంట్రోల్‌ ఆఫీసర్‌ సూర్యలు పరిశీలించారు. బేకరీ ప్రకారం.. వినియోగదారుడు ఫంగస్‌తో కూడిన స్వీట్ ప్యాకేజీని ఎలా అందుకున్నాడు అనే దానిపై విచారణ జరుగుతోందని, భవిష్యత్తులో ఇటువంటి సంఘటనలు జరగకుండా నిరోధించడానికి ప్రయత్నాలు జరుగుతున్నాయి. అయితే బయటి ఫుడ్‌ తీసుకునే ముందు చాలా జాగ్రత్త వహించాలని అధికారులు చెబుతున్నారు.
