Hyderabad: గణేష్ నిమజ్జనంలో విషాదం.. టస్కర్ వాహనం ఢీకొని పారిశుధ్య కార్మికురాలు మృతి
ఆదివారం ఉదయం నగరంలో విషాద ఘటన చోటు చేసుకుంది. గ్రేటర్ హైదరాబాద్ మున్సిపల్ కార్పొరేషన్ ప్రధాన కార్యాలయం సమీపంలో..
By అంజి
Hyderabad: గణేష్ నిమజ్జనంలో విషాదం.. టస్కర్ వాహనం ఢీకొని పారిశుధ్య కార్మికురాలు మృతి
హైదరాబాద్: ఆదివారం ఉదయం నగరంలో విషాద ఘటన చోటు చేసుకుంది. గ్రేటర్ హైదరాబాద్ మున్సిపల్ కార్పొరేషన్ ప్రధాన కార్యాలయం సమీపంలో గణేష్ నిమజ్జన ఊరేగింపులో GHMC పారిశుధ్య కార్మికురాలు రేణుక విషాదకరంగా మరణించింది. టస్కర్ వాహనం ఢీకొని పారిశుధ్య కార్మికురాలు మృతి చెందింది. గుడిమల్కాపూర్ నివాసి రేణుకగా గుర్తించబడిన మృతురాలు గత 15 సంవత్సరాలుగా GHMCలో పారిశుధ్య కార్మికురాలిగా పనిచేస్తోంది.
ప్రత్యక్ష సాక్షుల ప్రకారం.. ఆమె విధుల్లో ఉన్నప్పుడు బషీర్‌బాగ్-లిబర్టీ రోడ్డు దాటుతుండగా వాహనం ఆమెను ఢీకొట్టడంతో తలకు తీవ్ర గాయాలయ్యాయి. తోటి కార్మికులు వెంటనే ఆమెను సమీపంలోని ప్రైవేట్ ఆసుపత్రికి తరలించారు, అక్కడ ఆమె మరణించినట్లు వైద్యులు ప్రకటించారు. గజానంద్ అనే డ్రైవర్‌ను అదుపులోకి తీసుకున్నారు. పోలీసులు కేసు నమోదు చేసి, మృతదేహాన్ని పోస్ట్‌మార్టం నిమిత్తం ఉస్మానియా జనరల్ ఆసుపత్రికి తరలించారు.
