సందీప్ కిషన్‌ వివాహ భోజనంబులో ‘గడువు ముగిసిన’ బియ్యం

టాలీవుడ్ నటుడు సందీప్ కిషన్‌కు చెందిన 'వివాహ భోజనంబు' రెస్టారెంట్‌లో ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (ఎఫ్‌ఎస్‌ఎస్‌ఏఐ) టాస్క్ ఫోర్స్ తనిఖీలు జరిపింది. ఈ తనిఖీల్లో అనేక ఆహార భద్రత ఉల్లంఘనలు వెలుగులోకి వచ్చాయి.

కీలక ఫలితాలు

గడువు ముగిసిన బియ్యం, సింథటిక్ రంగులు: ఫుడ్ సేఫ్టీ ఇన్‌స్పెక్టర్లు 2022 నాటి "బెస్ట్ బిఫోర్" తేదీతో ఉన్న 25 కిలోల చిట్టిముత్యాలు బియ్యాన్ని గమనించారు. సింథటిక్ ఫుడ్ కలర్స్‌తో కూడిన 500 గ్రాముల కొబ్బరి తురుములను కూడా కనుగొన్నారు.

నిల్వ చేసిన విధానం: ముడి, సెమీ-తయారు చేసిన ఆహారాలు స్టీల్ కంటైనర్‌లలో నిల్వ చేశారు. వాటిని సరిగా కవర్ చేయలేదు. అలాగే సరైన లేబులింగ్ లేవు. రెస్టారెంట్‌లోని కొన్ని డస్ట్‌బిన్‌లకు మూతలు లేవు. ఇది అక్కడి పరిశుభ్రత గురించి ఆందోళన కలిగిస్తుంది.

మెడికల్ సర్టిఫికేషన్ లేకపోవడం: రెస్టారెంట్ తన ఫుడ్ హ్యాండ్లర్‌లకు మెడికల్ ఫిట్‌నెస్ సర్టిఫికేట్‌లను తీసుకోవడంలో విఫలమైంది. ఉద్యోగులు, కస్టమర్‌ల ఆరోగ్యం- భద్రతకు భరోసా ఇవ్వడానికి ఇది చాలా కీలకం.

నీటి సమస్యలు: ఫుడ్ ఇన్‌స్పెక్టర్లు కిచెన్ డ్రెయిన్‌లలో నీరు నిలిచిపోవడాన్ని గమనించారు. ఆహార తయారీలో ఉపయోగించే నీటికి, వినియోగదారులకు అందించే బబుల్ వాటర్‌కు నీటి విశ్లేషణ నివేదిక లేదు.

పరిశుభ్రత, పెస్ట్ కంట్రోల్:

కొన్ని ఉల్లంఘనలు ఉన్నప్పటికీ.. పని చేసే వ్యక్తులు హెయిర్‌నెట్‌లు, యూనిఫాంలు ధరించడం ద్వారా పరిశుభ్రత ప్రమాణాలకు కట్టుబడి ఉన్నారని గుర్తించారు. ప్రాంగణానికి సంబంధించిన పెస్ట్ కంట్రోల్ రికార్డులు కూడా తాజాగా ఉన్నాయి.

భద్రతా చర్యలు:

FSSAI లైసెన్స్ నిజమైన కాపీ ప్రాంగణంలో ఉంచారు. మిగిలిన విషయాలను పాటిస్తూ ఉన్నా.. తక్షణ శ్రద్ధ అవసరమయ్యే అనేక ప్రాంతాల విషయంలో తనిఖీ చేసిన అధికారులు కీలక సూచనలు చేశారు.

తదుపరి చర్యలను నివారించడానికి.. వినియోగదారుల ఆరోగ్యం, భద్రతను నిర్ధారించడానికి ఈ సమస్యలను వెంటనే పరిష్కరించాలని అధికారులు వివాహ భోజనంబు యాజమాన్యాన్ని ఆదేశించారు.

సందీప్ కిషన్ కానీ, వివాహ భోజనంబు మేనేజ్‌మెంట్ కానీ ఈ తనిఖీలపై ఎలాంటి వ్యాఖ్యలు చేయలేదు.