వారం పాటు హైదరాబాద్‌లో చలిగాలులు వచ్చే అవకాశం

Cold wave predicted in Hyderabad this week. ఉత్తర భార‌త‌దేశంలోని ప‌లు ప్రాంతాల‌లోని వాతావ‌ర‌ణ ప‌రిస్థితుల‌ నేపథ్యంలో

By Medi Samrat  Published on  25 Jan 2022 3:28 PM GMT
వారం పాటు హైదరాబాద్‌లో చలిగాలులు వచ్చే అవకాశం

ఉత్తర భార‌త‌దేశంలోని ప‌లు ప్రాంతాల‌లోని వాతావ‌ర‌ణ ప‌రిస్థితుల‌ నేపథ్యంలో ఈ వారం హైదరాబాద్‌లో చలిగాలులు వచ్చే అవకాశం ఉందని భారత వాతావరణ శాఖ (IMD) తెలిపింది. మంగళవారం తెల్లవారుజామున నగరంలోని చాలా ప్రాంతాల్లో ఉష్ణోగ్రతలు తగ్గుముఖం పట్టాయి. గత కొన్ని రోజులుగా నగరంలో పగటి ఉష్ణోగ్రతలు తగ్గుముఖం పట్టాయి. రాబోయే ఐదు రోజులు దాదాపు 29 డిగ్రీల సెల్సియస్‌గా ఉండే అవకాశం ఉంది. రానున్న రోజుల్లో రాష్ట్రంలో ఉష్ణోగ్రతలు మరింత తగ్గే అవకాశం ఉందని వాతావరణ శాఖ అంచనా వేసింది. మరోవైపు, సగటు రాత్రి ఉష్ణోగ్రత 17 డిగ్రీల సెల్సియస్‌గా నమోదైంది. అత్యల్ప కనిష్ట ఉష్ణోగ్రత 12.8 డిగ్రీల సెల్సియస్ శేరిలింగంపల్లిలో నమోదైంది.

తెలంగాణ స్టేట్ డెవలప్‌మెంట్ ప్లానింగ్ సొసైటీ ప్రకారం.. బుధవారం నుండి శనివారం వరకు సికింద్రాబాద్, రాజేంద్రనగర్, కాప్రా, హయత్‌నగర్, మల్కాజిగిరి, మూసాపేట్‌తో సహా ప్రాంతాల్లో మూడు నుండి ఐదు డిగ్రీల సెల్సియస్ కనిష్ట ఉష్ణోగ్రతలు తగ్గుతాయని తెలుస్తోంది. నగరంలో సగటు కనిష్ట ఉష్ణోగ్రత 15 డిగ్రీల సెల్సియస్ నుండి 11 డిగ్రీల సెల్సియస్ వరకు ఉండే అవకాశం ఉంది. ఇదిలా ఉండగా ఆదిలాబాద్, కుమ్రం భీమ్ ఆసిఫాబాద్, జగిత్యాల, నిజామాబాద్, ములుగు, వరంగల్, మంచిర్యాల జిల్లాల్లో ఉష్ణోగ్రతలు తగ్గుముఖం పట్టాయని.. రానున్న ఐదు రోజుల్లో ఉష్ణోగ్రతలు మరింత తగ్గే అవకాశం ఉందన్నారు.


Next Story
Share it