Hyderabad: లవ్‌ ఫెయిల్‌.. బీటెక్‌ విద్యార్థి ఆత్మహత్య
ప్రేమ విఫలం కావడంతో ఇంజినీరింగ్‌ విద్యార్థి ఉరివేసుకుని ఆత్మహత్య చేసుకున్న ఘటన సూరారం పోలీస్‌ స్టేషన్‌ పరిధిలో జరిగింది.
By - అంజి
Hyderabad: లవ్‌ ఫెయిల్‌.. బీటెక్‌ విద్యార్థి ఆత్మహత్య
హైదరాబాద్‌: ప్రేమ విఫలం కావడంతో ఇంజినీరింగ్‌ విద్యార్థి ఉరివేసుకుని ఆత్మహత్య చేసుకున్న ఘటన సూరారం పోలీస్‌ స్టేషన్‌ పరిధిలో జరిగింది. ప్రేమించిన అమ్మాయి మరో వ్యక్తిని పెళ్లి చేసుకుందని ప్రియుడు తీవ్ర మనస్తాపానికి గురయ్యాడు. తన ప్రియురాలి పెళ్లిని జీర్ణించుకోలేక ఆత్మహత్యకు పాల్పడ్డాడు. ఈ ఘటనకు సంబంధించి పోలీసులు తెలిపిన వివరాలు ఇలా ఉన్నాయి.
గుంటూరు జిల్లా పొత్తూరు ప్రాంతానికి చెందిన దంపతులు ఉపాధి కోసం ఫ్యామిలీతో కలిసి హైదరాబాద్‌లో నివాసం ఉంటున్నారు. వారి కొడుకు నగరంలోని ఓ కాలేజీలో బీటెక్‌ సెకండియర్‌ చదువుతున్నాడు. ఈ క్రమంలోనే ఓ అమ్మాయితో ప్రేమలో పడ్డాడు. సదరు అమ్మాయికి 6 నెలల కిందట పెళ్లి అయ్యింది. అప్పటి నుండి అతడు ముభావంగా ఉంటున్నాడు. ఈ క్రమంలోనే శనివారం రాత్రి ఉరివేసుకుని ఆత్మహత్య చేసుకున్నాడు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.
