ఆషాడ బోనాలకు భాగ్యనగరం సన్నద్ధం

ఈ ఏడాది ఆషాఢం బోనాల ఉత్సవాలను ఘనంగా నిర్వహించేందుకు రాష్ట్ర ప్రభుత్వం అన్ని ఏర్పాట్లు చేస్తోంది. ఈ సందర్భంగా పశుసంవర్ధక శాఖ మంత్రి తలసాని శ్రీనివాస్‌యాదవ్‌ మాట్లాడుతూ.. గోల్కొండ జగదాంబ మహంకాళి ఆలయంలో ఉత్సవాలు జూన్‌ 30న ప్రారంభమవుతాయని తెలిపారు. బోనాలు పండుగ తెలంగాణ సంస్కృతిలో అంతర్భాగమని మంత్రి అన్నారు. మంత్రితో కలిసి కార్వాన్ ఎమ్మెల్యే కౌసర్ మొహియుద్దీన్, వివిధ శాఖల ఉన్నతాధికారులు ఏర్పాట్లను పరిశీలించారు.

బోనాలను ముఖ్యమంత్రి కే చంద్రశేఖరరావు రాష్ట్ర పండుగగా ప్రకటించారు. ఆ తర్వాత తెలంగాణ ప్రభుత్వం ఆధ్వర్యంలో ఉత్సవాలు నిర్వహిస్తారు. ఉత్సవాల సందర్భంగా రాష్ట్ర ప్రభుత్వం దాదాపు 26 దేవాలయాలకు 'పట్టు వస్త్రాలు' అందజేయనుంది.

పెద్ద సంఖ్యలో భక్తులు వచ్చినప్పుడు తొక్కిసలాట జరగకుండా, దర్శన ప్రక్రియను సులభతరం చేయడానికి, అన్ని మహంకాళి ఆలయాల వద్ద బారికేడ్లు ఏర్పాటు చేస్తారు. వ్యూహాత్మక ప్రదేశాలలో నిఘా కెమెరాలు ఏర్పాటు చేస్తారు, రద్దీని కంట్రోల్ చేయ‌డానికి 800 నుండి 1,000 మంది పోలీసులు విధులు నిర్వ‌హిస్తారు.

గోల్కొండ వద్ద ప్రైవేట్ వాహనాల పార్కింగ్ కోసం ఎనిమిది వేర్వేరు ప్రదేశాలను గుర్తించారు. ఆలయ ప్రాంగణం చుట్టూ 14 వేర్వేరు ప్రదేశాలలో ట్రాఫిక్ మళ్లింపులు అమలు చేయబడతాయి.

వాటర్ బోర్డు 8.75 లక్షల వాటర్ ప్యాకెట్లు, 55,000 వాటర్ బాటిళ్లను సరఫరా చేస్తుంది, ఆరోగ్య శాఖ అత్యవసర వైద్య సంరక్షణ కోసం నాలుగు అంబులెన్స్‌లను మోహరిస్తుంది. గోల్కొండ బోనాల సందర్భంగా ఐదు వైద్య శిబిరాలను కూడా నిర్వహిస్తుంది.

రాష్ట్రం నలుమూలల నుంచి వచ్చే భక్తులకు ఉచిత ఆర్టీసీ బస్సు సర్వీసులు అందుబాటులో ఉండేలా ప్రయత్నాలు జరుగుతున్నాయి. సమీక్షా సమావేశంలో పోలీసు, ఆరోగ్య, జీహెచ్‌ఎంసీ, జలమండలి ఉన్నతాధికారులు, ప్రజాప్రతినిధులు పాల్గొన్నారు.