బెల్లీ ఫ్యాట్‌ను తగ్గించడానికి ఇలా చేస్తే చాలు..!

స్థూలకాయం అనేది చాలామంది ఇబ్బందిప‌డుతున్న‌ ప్రధాన సమస్య. దీని కారణంగా లేవడం, కూర్చోవడం, నడవడం కష్టమవుతాయి. స్థూలకాయం బారిన ప‌డిన వ్య‌క్తుల‌లో అదనపు బొడ్డు కొవ్వు(Belly Fat) అనేక ఆరోగ్య సంబంధిత సమస్యలకు దారితీయడమే కాకుండా వ్యక్తిత్వానికి హాని కలిగిస్తుంది, దీని కారణంగా బట్టలు సరిపోవు, ఆత్మవిశ్వాసం కూడా తగ్గుతుంది. అదనపు బొడ్డు కొవ్వు అధిక రక్తపోటు, గుండె జబ్బులు, మధుమేహం వంటి అనేక ఆరోగ్య సమస్యలను కలిగిస్తుంది.

పొట్ట కొవ్వు పెరగడం వెనుక అతి పెద్ద పాత్ర ఆహారపు అలవాట్లు, జీవనశైలి. జంక్ ఫుడ్ ఎక్కువగా తినడం, ఎక్కువసేపు ఒకే చోట కూర్చోవడం వల్ల శ‌రీరంలో కొవ్వు పేరుకుపోతుంది, ఇది ఎక్కువగా పొట్టపై పేరుకుపోతుంది. వీటి వల్ల పొట్ట ఉబ్బిపోయి మన శరీర ఆకృతి లావుగా కనిపిస్తుంది. దీనిని నియంత్రించడానికి సరైన ఆహారం, వ్యాయామం అవసరం. అయితే.. దీనిని కంట్రోల్ చేసేందుకు మ‌నం అల‌వ‌రుచుకోవాల్సిన‌ కొన్ని ఆహారపు అలవాట్ల గురించి తెలుసుకుందాం.

చక్కెర అధికంగా తీసుకోవడం - చక్కెర పానీయాలు, స్వీట్లు ఇన్సులిన్ స్థాయిలను పెంచడం ద్వారా బొడ్డు చుట్టు కొవ్వును నిల్వ చేయడంలో సహాయపడతాయి.

శుద్ధి చేసిన కార్బోహైడ్రేట్ల వినియోగం- వైట్ బ్రెడ్, పాస్తా వంటి శుద్ధి చేసిన కార్బోహైడ్రేట్లను తీసుకోవడం వల్ల కొవ్వు వేగంగా పెరుగుతుంది. ఎందుకంటే ఇందులో ఫైబర్ ఉండ‌దు.

ప్రోటీన్ లోపం - తగినంత ప్రోటీన్ తీసుకోకపోవడం జీవక్రియను తగ్గిస్తుంది. ఈ కార‌ణంగా కొవ్వు కరిగే ప్రక్రియ మంద‌గిస్తుంది.

ప్రాసెస్ పుడ్‌ అలవాటు - ప్రాసెస్ చేసిన ఆహారాలు, అనారోగ్యకరమైన స్నాక్స్ తరచుగా తీసుకోవడం వల్ల పొట్ట కొవ్వు పెరుగుతుంది.

అధిక ఉప్పు తీసుకోవడం - అధిక సోడియం(ఉప్పు) శరీరంలో నీటిని నిలుపుకుంటుంది, దీని ద్వారా కడుపు ఉబ్బినట్లు కనిపిస్తుంది.

నీరు తాగ‌క‌పోవ‌డం- తక్కువ నీరు త్రాగడం వల్ల శరీరంలోని జీవక్రియలు ప్రభావితమవుతాయి. దీని కారణంగా కొవ్వు కర‌గ‌దు.

ఫైబర్ త‌క్కువైతే- మ‌నం తీసుకునే ఆహారంలో ఫైబర్ లేకపోవడం వల్ల ఆకలి పెరుగుతుంది. ఇది పొట్టలో కొవ్వు పేరుకుపోవ‌డానికి కార‌ణం అవుతుంది

రాత్రిపూట ఆలస్యంగా తినడం- రాత్రిపూట ఆలస్యంగా తినడం వల్ల జీర్ణక్రియపై ప్రభావం చూపుతుంది. దీని కార‌ణంగా కొవ్వు పేరుకుపోతుంది.