గుండె ఆరోగ్య సంక్షోభాన్ని ఎదుర్కొంటున్న భారత్.. ఏడాదికి ఎంత మంది పీడియాట్రిక్ కార్డియాలజీ సభ్యులు శిక్షణ పొందుతున్నారో తెలుసా?

ఇటీవలి అధ్యయనంలో, BM బిర్లా (BMB) హార్ట్ హాస్పిటల్ భారతదేశం గుండెకు సంబంధించిన ఆరోగ్య సంక్షోభాన్ని ఎదుర్కొంటూ ఉందని తెలిపింది. పిల్లలు, యుక్తవయస్కులు, పెద్దలు ఈ జాబితాలో అగ్రస్థానంలో ఉన్నారు. ‘ఎవ్రీ బీట్‌ కౌంట్స్‌’ పేరుతో విడుదలైన ఈ నివేదిక ప్రకారం ప్రపంచ గుండెపోటు మరణాల్లో 20% భారత్‌లోనే ఉన్నాయని తెలిపింది.

దాదాపు 90 మిలియన్ల మంది భారతీయులు ప్రస్తుతం హృదయ సంబంధ వ్యాధులతో జీవిస్తున్నారు. కార్డియోవాస్కులర్ డిసీజ్ (CVD) మరణాల రేటు భారతదేశంలో చాలా ఎక్కువగా ఉంది. 100,000 జనాభాకు భారతదేశంలో 272 ఉండగా.. ప్రపంచ సగటు 235 మాత్రమే. కార్డియాక్ పీడియాట్రిషియన్స్ లేకపోవడం, కార్డియాలజిస్టుల కొరత, పరిమిత మౌలిక సదుపాయాలు, అవగాహన సరిగా లేకపోవడంతో ఆరోగ్య సంరక్షణ వ్యవస్థపై ఎక్కువ ఒత్తిడి పడుతూ ఉంది.

ప్రాంతాలను బట్టి మార్పులు:

పట్టణ ప్రాంతాలలో 1,00,000 జనాభాకు 450 మరణాలు సంభవిస్తూ ఉండగా, గ్రామీణ ప్రాంతాల్లో 1,00,000 మందికి 200 మరణాలు సంభవిస్తూ ఉన్నాయి. ఇది పట్టణ, గ్రామీణ ప్రాంతాల మధ్య తేడాలను హైలైట్ చేస్తుంది.

భారతీయులలో సన్నని వ్యక్తులకు కూడా హృదయ సంబంధిత రోగాలు ఎక్కువగా ఉన్నాయి. సదరు వ్యక్తులు సాధారణ లేదా తక్కువ సాధారణ బరువును కలిగి ఉంటారు, అయితే అధిక శరీర కొవ్వు శాతాన్ని కలిగి ఉంటారు. ఇది హృదయనాళ ప్రమాదాలను పెంచుతుంది.

భారతదేశంలో 24.5% మరణాలు CVD కారణంగానే:

"ఎవ్రీ బీట్ కౌంట్స్" అనేది CK బిర్లా హాస్పిటల్స్ కు చెందిన BM బిర్లా హార్ట్ హాస్పిటల్ మొదటి సమగ్ర అధ్యయనం. ఈ నివేదిక దేశవ్యాప్తంగా పెరుగుతున్న హృదయ సంబంధ వ్యాధుల ప్రాబల్యాన్ని పరిష్కరించడానికి తీసుకోవాల్సిన వ్యూహాలను కూడా అందిస్తుంది.

భారతదేశంలో మొత్తం మరణాలలో 24.5% CVD కారణంగా పశ్చిమ బెంగాల్, పంజాబ్ 35% కంటే ఎక్కువ మరణాల రేటును నివేదించాయి. "మా ప్రారంభ 'ప్రతి బీట్ కౌంట్స్' నివేదిక ఈ దారుణమైన సంక్షోభాన్ని పరిష్కరించడానికి జాతీయ స్థాయి వ్యూహం, తక్షణ అవసరాన్ని నొక్కి చెబుతుంది. ప్రతి సంవత్సరం ఈ నివేదికను ప్రచురించడం ద్వారా అవగాహనను కలిగించడమే కాకుండా, అందరినీ ప్రోత్సహించడానికి కూడా అవకాశం ఉంటుంది. అంతేకాకుండా ఆరోగ్యకరమైన దేశాన్ని నిర్మించడానికి సమిష్టి చర్యను ప్రోత్సహించడం లక్ష్యంగా పెట్టుకున్నాము, ”అని CK బిర్లా హాస్పిటల్స్ CEO విపుల్ జైన్ అన్నారు.

ఆరోగ్య సంరక్షణ వ్యవస్థపై భారం:

భారతదేశంలో ప్రతి 250,000 మంది భారతీయులకు ఒక కార్డియాలజిస్ట్ ఉండగా, యునైటెడ్ స్టేట్స్లో ప్రతి 7,300 మంది అమెరికన్లకు ఒక కార్డియాలజిస్ట్ ఉన్నారు. అన్ని వయస్సుల వర్గాల్లో పెరుగుతున్న హృదయనాళ సంక్షోభాన్ని పరిష్కరించడానికి మెరుగైన మౌలిక సదుపాయాలు, ప్రత్యేక సంరక్షణకు ఎక్కువ ప్రాప్యత, మెరుగైన ప్రజల అవగాహన అత్యవసర అవసరాన్ని కూడా నివేదిక హైలైట్ చేస్తుంది. మంచి ఆహారాన్ని తినడం, చురుకుగా ఉండటం, ఒత్తిడిని తగ్గించడం వంటి జీవనశైలి గుండె జబ్బుల ప్రమాదాన్ని గణనీయంగా తగ్గిస్తుంది. ఇవన్నీ 93% గుండెపోటు నివారించవచ్చని అధ్యయనాలు నిర్ధారించాయి.

నిపుణుల కొరత:

నివేదిక ప్రకారం దేశంలో మౌలిక సదుపాయాలు అసలు లేవు. ప్రత్యేక సంరక్షణ కూడా అవసరం. పుట్టుకతో కూడా కొన్ని గుండె సంబంధిత వ్యాధులు వస్తూ ఉంటాయి. వాటికి సంబంధించిన చికిత్స కూడా అవసరం. పిల్లలలో ఈ పరిస్థితులలో శస్త్రచికిత్స మరణాల రేటు 8% నుండి 13% వరకు ఉంటుంది. అభివృద్ధి చెందిన దేశాలలో ఇది 5% కంటే తక్కువ. భారతదేశంలో ప్రతి సంవత్సరం 35 మంది పీడియాట్రిక్ కార్డియాలజీ సభ్యులు మాత్రమే శిక్షణ పొందుతున్నారు. దేశంలోని జనాభాకు, నిపుణులకు మధ్య ఉన్న వ్యత్యాసం కారణంగా చాలా సమస్యలే ఉన్నాయి.