బోన్ క్యాన్సర్ స్పెషలిస్ట్ గా ఉండడం అంత సులభం కాదు : డాక్టర్ కిషోర్ రెడ్డి

Bone tumour surgeon gives patients a chance by creating awareness. బోన్ ట్యూమర్ అని నిర్ధారణ కావాలంటే 1990లలో ఎంతో నొప్పితో

By న్యూస్‌మీటర్ తెలుగు  Published on  27 July 2022 12:01 PM GMT
బోన్ క్యాన్సర్ స్పెషలిస్ట్ గా  ఉండడం అంత సులభం కాదు : డాక్టర్ కిషోర్ రెడ్డి

హైదరాబాద్ : బోన్ ట్యూమర్ అని నిర్ధారణ కావాలంటే 1990లలో ఎంతో నొప్పితో కూడిన ప్రాసెస్ ఉండేది.. అయితే ఇప్పుడు ఆ పరిస్థితి లేదు. ఎన్నో కొత్త పద్ధతులు వచ్చేశాయి. రోగికి వీలైనంత మంచి ట్రీట్మెంట్ ఇచ్చే విషయమై వైద్యులు ముందుకు వెళుతూ ఉన్నారు. బోన్ ట్యూమర్ జీవనవిధానంపై తీవ్రమైన ప్రభావాన్ని చూపుతుంది. వ్యాధి నిర్ధారణ అయిన వారు చివరి దశ వరకు తమ జీవితాన్ని ఉత్తమంగా గడపడానికి.. హైదరాబాద్‌లోని సీనియర్ బోన్ ట్యూమర్ సర్జన్ డాక్టర్ బి.కిషోర్ రెడ్డి ఈ వ్యాధిపై అవగాహన కల్పించడానికి అవిశ్రాంతంగా కృషి చేస్తున్నారు.

తెలంగాణ, ఆంధ్రప్రదేశ్ రెండు రాష్ట్రాల్లోని సాధారణ వైద్యులు, ఆంకాలజిస్ట్‌లకు అవగాహన కల్పించడం చాలా ముఖ్యం. అలా చేస్తే ఎంతో మంది రోగులకు సహాయం చేసిన వాళ్లం అవుతాం. అందుకే డాక్టర్ కిషోర్ రెడ్డి గత దశాబ్ద కాలంగా తన వారాంతాల్లో రెండు రాష్ట్రాల్లోని వివిధ ఆసుపత్రుల్లో అవగాహన కార్యక్రమాలను నిర్వహిస్తున్నారు. "బోన్ క్యాన్సర్ యొక్క 4వ దశలో కూడా, నాణ్యమైన జీవితాన్ని అందించడానికి అవకాశాలు ఉన్నాయి. సింగపూర్‌లో నా శిక్షణ సమయంలో నేను దీనిని నేర్చుకున్నాను. బోన్ క్యాన్సర్ బారిన పడిన వారిని చురుకుగా ఉంచే సామర్థ్యం.. ఎవరిపై ఆధారపడకుండా ఉండేలా చేయడం వల్ల చికిత్స విధానంలో ఎన్నో అవకాశాలు ఉంటాయి" అని ఆయన చెప్పుకొచ్చారు.

బోన్ ట్యూమర్లు రెండు రకాలు :

· ఎముక నుండి క్యాన్సర్ ఉద్భవించే ప్రాథమిక ఎముక క్యాన్సర్

· సెకండరీ బోన్ క్యాన్సర్‌లలో భాగంగా క్యాన్సర్ శరీరంలోని ఇతర భాగాలలో మొదలై ఎముకలకు వ్యాపిస్తుంది. ప్రాథమిక క్యాన్సర్ల నుండి చికిత్స అయ్యాక, కోలుకున్న తర్వాత ద్వితీయ క్యాన్సర్లు నిర్ధారణ చేయబడతాయి. రొమ్ము, గర్భాశయం, రక్తం.. ఇతర క్యాన్సర్ల విషయంలో ఇది గుర్తించబడుతుంది.

బోన్ క్యాన్సర్ స్పెషలిస్ట్ గా ఉండడం అంత సులభం కాదు

డాక్టర్ రెడ్డి మణిపాల్ యూనివర్శిటీ నుండి MS ఆర్థో చేసారు. ఆ తర్వాత బోన్ క్యాన్సర్‌లకు చికిత్స చేయాలనుకున్నారు. అయితే ఇది ఆంకాలజీలో అభివృద్ధి చెందిన మార్గం కాకపోవడంతో కొన్ని అవరోధాలు కూడా ఉన్నాయి. ఎముకలు, మృదు కణజాల క్యాన్సర్లపై ఆయన ఆసక్తి కనబరిచారు. ముంబైలోని టాటా మెమోరియల్ హాస్పిటల్‌లో ఫెలోషిప్ తీసుకున్నారు. ఆయన అభిరుచికి తలుపులను తెరిచింది. అందులోని అంతరాలను గ్రహించారు. వాటికి చికిత్స చేయడానికి లోపాలను గుర్తించడంలోనూ, పరిష్కరించడంలోని వ్యవస్థను అర్థం చేసుకున్నారు. సింగపూర్‌లో మస్క్యులోస్కెలెటల్ ఆంకాలజీలో ఫెలోషిప్, టిష్యూ బ్యాంకింగ్‌లో డిప్లొమా చేయడం ద్వారా అతని జ్ఞానం, నైపుణ్యాలు మరింత పెరిగిపోయాయి.

ప్రోటోకాల్‌లను సెట్ చేయడానికి సహాయపడిన అనుభవం :

వైద్య సౌభ్రాతృత్వాన్ని సులభంగా అర్థం చేసుకోవడానికి, రోగుల మెరుగైన నిర్వహణ కోసం ప్రోటోకాల్‌లను సెట్ చేయడం ద్వారా ఆయన సింగపూర్ నుండి తన అభ్యాసాలను భారతీయ ఆసుపత్రి రంగానికి బదిలీ చేశారు. లింబ్ సాల్వేజ్, ఆర్థోపెడిక్ ఆంకాలజీ, స్థానభ్రంశం శస్త్రచికిత్సలు, వెన్నెముకలో వైకల్య సవరణలను నిర్వహించారు. రెండు తెలుగు రాష్ట్రాల్లో తొలిసారిగా ఎముక క్యాన్సర్‌కు టోటల్‌ ఫీమర్‌ రీప్లేస్‌మెంట్‌ చేసిన మొదటి వ్యక్తిగా నిలిచారు.

ఆయనకు వెన్నెముక లాగా.. అంకితభావంతో కూడిన బృందం

కలిసికట్టుగా పని చేయడమే తమ విజయానికి కారణం అని డాక్టర్ రెడ్డి అభిప్రాయపడ్డారు. తాను మాత్రమే బాధ్యత వహించనని, గత 10 సంవత్సరాలుగా తనతో పాటు ఉన్న వైద్యులు, నర్సింగ్ సిబ్బంది, నిర్వాహకులతో కూడిన బృందం ఉందని ఆయన అన్నారు.

కామినేని హాస్పిటల్స్‌తో అనుబంధం ఉన్న డాక్టర్ కిషోర్ రెడ్డి మాట్లాడుతూ, "నా బృందం నాతో పాటు నిలబడింది. వారు షెడ్యూల్‌లను నిర్వహించి, సమయాన్ని నిర్దేశించారు. నేను నా లక్ష్యాలను అర్థం చేసుకున్నాను.. అనుసరించారు. అందరం కలిసి సాధించాము" అని అన్నారు. ఆయనకు కామినేని హాస్పిటల్స్‌, సన్‌షైన్ హాస్పిటల్, అమెరికన్ ఆంకాలజీ ఇన్‌స్టిట్యూట్ లతో అనుబంధం ఉంది. ఇప్పుడు తన స్వంత అమోర్ హాస్పిటల్‌లను ప్రారంభించారు.


విశ్రాంతి సమయంలో..!

ఆయన విధులు పూర్తీ చేసాక.. కుటుంబంతో గడపడం.. ఆ తర్వాత బాడీబిల్డింగ్. ఆయన క్రమం తప్పకుండా జిమ్‌లో వర్కవుట్ చేస్తుంటారు. అతను వివిధ సంస్కృతుల వ్యక్తులతో ప్రయాణించడం.. సంభాషించడం కూడా ఇష్టపడతారు. పని చేస్తూ ఉండడమే తన స్ట్రెస్ బస్టర్ అని అంటూ ఉంటారు. తన పనికి దూరంగా ఉండటం అతనికి అసౌకర్యాన్ని కలిగిస్తుందని నమ్ముతున్నారు.





Next Story
Share it