ఏపీలోని గ్రామ సచివాలయాలకు వేసిన రంగుల వ్యవహారం రోజుకో మలుపు తిరుగుతోంది. సచివాలయాలకు వైసీపీ రంగులను పోలి ఉండే రంగులను వేస్తున్నారని హైకోర్టులో పిల్‌ దాఖలైంది. అయితే ఈ పిల్‌పై విచారించిన హైకోర్టు.. రంగులను తొలగించాలని ఆదేశాలు జారీ చేసింది.

ఇప్పుడు పంచాయతీ కార్యాలయాలకు టెర్రా కోట రంగు, వైట్‌, బ్లూ, గ్రీన్‌ వేయాలని ప్రభుత్వ ప్రధాన కార్యదర్శి జీవో 623 ద్వారా ఆదేశాలు ఇచ్చారు. కాగా, ఈ ఆదేశాల్లో వైసీపీ రంగులే ఉంన్నాయని, టెర్రా కోట రంగు కూడా వైసీపీ జెండాలో ఉన్నాయని న్యాయవాది సోమయాజులు కోర్టుకు వివరించారు.

దీంతో జీవో నంబర్‌ 623ను తాత్కాలికంగా సస్పెండ్‌ చేసింది ధర్మాసనం. ఏ లెక్కన ఆ రంగులను వేయాలని ఆదేశాలు ఇచ్చారో కౌంటర్‌ దాఖలు చేయాలని సీఎస్‌ను హైకోర్టు ఆదేశించింది. సరైన వివరణ ఇవ్వనట్లయితే కోర్టు ధిక్కణ కింద చర్యలు ఉంటాయని కోర్టు పేర్కొంది. ఇక ఈ కేసు తదుపరి విచారణ ఈనెల 19వ తేదీకి వాయిదా వేసింది.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.

Leave a Reply

Your email address will not be published. Required fields are marked *