కోర్టు సంచలన తీర్పు.. ఐదుగురికి ఉరిశిక్ష

సౌదీ అరేబియా కోర్టు సంచలన తీర్పునిచ్చింది. మీడియా జర్నలిస్టు జమాల్‌ ఖషోగ్గి హత్య కేసులో ఐదుగురు దోషులకు ఉరిశిక్ష విధిస్తూ తీర్పు వెలవరించింది. ఈ 2018, అక్టోబర్‌ 2న జరిగిన ఈ హత్య కేసు ప్రపంచ వ్యాప్తంగా తీవ్ర సంచలనం రేపింది. ఈ హత్య కేసులో మొత్తం 11 నిందితుల్లో ఐదుగురికి మరణ శిక్ష, మిగతా ముగ్గురికి రెండు సంవత్సరాల పాటు జైలు శిక్ష ఖరారు చేసింది. ఇక మిగిలిన దోషులకు ఇంకా శిక్ష ఖరారు కాలేదు. ఈ జర్నలిస్టు హత్య కేసులో ప్రత్యక్షంగా పాల్గొన్న ఐదుగురికి కోర్టు ఉరి శిక్ష విధించినట్లు ప్రాసిక్యూటర్‌ పేర్కొన్నారు. ఇందులో సౌదీ యువరాజు అయిన మహ్మద్‌ బిన్‌ సల్మాన్‌ అనుచరులను మాత్రం నిర్దోషులుగా ప్రకటించింది కోర్టు. కాగా, ఈ కేసు నిర్దోషుల్లో సౌదీ మాజీ ఇంటెలిజెన్స్‌ అధికారి కూడా ఉన్నారు. ఈ హత్య కేసులో రియాద్‌ కోర్టు అంతర్జాతీయ సమాజ ప్రతినిధులతో పాటు మృతుడి బంధువుల కూడా హాజరైనట్లు ఆయన తెలిపారు.

కాగా, అమెరికాకు చెందిన వాషింగ్టన్‌ పోస్టు పత్రికలో జర్నలిస్టుగా పని చేసేవారు. సౌదీ ప్రభుత్వంపై తరుచూ విమర్శలు చేసేవాడు. ఈ క్రమంలో టర్కీ రాజధాని ఇస్తాంబుల్‌లో ఆయన దారుణ హత్యకు గురయ్యారు. ఈ హత్య కేసులో సౌదీ సర్కార్‌ ప్రమేయం ఉన్నట్లు అప్పట్లో ఆరోపణలు వచ్చాయి. సౌదీపై విమర్శలు అధికం కావడంతో మొత్తం 11 మందిని సౌదీ ప్రభుత్వం అరెస్టు చేసింది.