Fact Check: తినడానికి తిండి లేక పాకిస్థాన్ లో పిల్లలు గడ్డి తింటున్నారా..?
Video of a child eating grass is not from flood-hit Pakistan. ఈ ఏడాది పాకిస్థాన్ ను దారుణమైన వరదలు ఇబ్బంది పెట్టాయి. వేల మంది ప్రాణాలు కోల్పోగా.. లక్షల మంది నిరాశ్రయులయ్యారు.
By న్యూస్‌మీటర్ తెలుగు Published on 13 Sept 2022 2:36 PM IST
Social Media Usersఈ ఏడాది పాకిస్థాన్ ను దారుణమైన వరదలు ఇబ్బంది పెట్టాయి. వేల మంది ప్రాణాలు కోల్పోగా.. లక్షల మంది నిరాశ్రయులయ్యారు. తినడానికి తిండి లేక చాలా మంది ఎన్నో అవస్థలు పడుతూ ఉన్నారు. భారీ వర్షపాతం కారణంగా పాకిస్థాన్ దేశంలోని మూడింట ఒక వంతు వరదల్లో చిక్కుకుంది. పాకిస్తాన్‌ కు చెందిన ది డాన్‌ కథనం ప్రకారం, 33 మిలియన్లకు పైగా ప్రజలు వరదల వల్ల ప్రభావితమయ్యారు. పాకిస్థాన్‌లో మానవతావాద పరిస్థితి మరింత దిగజారబోతోందని WHO హెచ్చరిక జారీ చేసింది.
ఈ నేపథ్యంలో, వరదల తర్వాత పాకిస్థాన్‌లో ఆకలితో అలమటిస్తున్న చిన్నారి గడ్డి తింటోందని.. అంత దారుణంగా పరిస్థితి ఉందని చెబుతూ.. ఓ చిన్నారి గడ్డి తింటున్న వీడియో ఇంటర్నెట్‌లో వైరల్‌గా మారింది.
"పాకిస్థాన్‌లో ఇదే పరిస్థితి. ఆకలితో అలమటిస్తున్న పిల్లలు గడ్డి తింటున్నారు, ఎందుకంటే తినడానికి ఇంకేమీ లేదు. దయచేసి విరాళం ఇవ్వండి" అని ఫేస్‌బుక్ వినియోగదారు వీడియోను షేర్ చేశారు.
వినియోగదారు URL లింక్‌ ఇచ్చి విరాళాల కోసం అడిగారు.
(గమనిక: NewsMeter లింక్‌ని తనిఖీ చేసింది. ఇది ఏ విశ్వసనీయమైన సంస్థతో సంబంధం కలిగి లేదని గుర్తించింది.)
చాలా మంది ట్విట్టర్, ఫేస్‌బుక్ వినియోగదారులు ఇలాంటి వాదనలతో ఉన్న వీడియోను పంచుకున్నారు. (ఆ పోస్ట్‌లను వీక్షించడానికి ఇక్కడ క్లిక్ చేయండి)
నిజ నిర్ధారణ:
NewsMeter వీడియో కీఫ్రేమ్‌ల ద్వారా రివర్స్ ఇమేజ్ సెర్చ్ ను నిర్వహించింది. ఫిబ్రవరి 2022లో పోస్ట్ చేసిన రెండు వేర్వేరు YouTube ఛానెల్‌లలో అదే వీడియోను కనుగొంది. ఇటీవల పాక్ లో కురిసిన భారీ వర్షపాతం కంటే చాలా ముందే చోటు చేసుకుందని గుర్తించారు.
రెండు ఛాన‌ళ్లు వేర్వేరుగా క్లెయిమ్ చేస్తున్నాయి. ఛానెల్‌లలో ఒకటైన నయాబ్, వీడియో సిరియన్ పిల్లChild eating grass from flood-hit Pakistanవాడిదని వాదించగా, మరొక ఛానెల్, సిరోనాల్డో ఫ్యాన్స్, వీడియోలోని పిల్లవాడు యుద్ధంలో దెబ్బతిన్న ఉక్రెయిన్‌కు చెందినవాడని చెప్పారు.
మేము కీఫ్రేమ్‌ల రివర్స్ ఇమేజ్ సెర్చ్ చేసాము. అదే వీడియోని పర్షియన్ వెబ్‌సైట్ నమాషాలో కనుగొన్నాము. "యెమానీ పిల్లవాడు గడ్డి తింటున్నాడు" అని వెబ్‌సైట్ పేర్కొంది.
NewsMeter వీడియో యొక్క ఖచ్చితమైన ప్రాంతం, సంవత్సరాన్ని ధృవీకరించలేకపోయినప్పటికీ, వీడియో ఫిబ్రవరి 2022 నుండి ఆన్‌లైన్‌లో ఉందని కనుగొన్నాము. జూన్ 2022లో వరదలు పాకిస్తాన్‌ను తాకాయి. ఈ వీడియో పాకిస్తాన్‌కు చెందినది కాదని మేము నిర్ధారించగలము. ఇలాంటి పోస్టులు పెట్టి ప్రజలను తప్పుదారి పట్టిస్తున్నారు.
