నిజమెంత: బీహార్ అసెంబ్లీ ఎన్నికల్లో కాంగ్రెస్ పార్టీకి సీట్లను కేటాయించడం లేదని లాలూ ప్రసాద్ యాదవ్ బహిరంగంగా చెప్పారా?

2025 అక్టోబర్-నవంబర్ నెలల్లో జరగనున్న అసెంబ్లీ ఎన్నికలకు ముందు, ఎన్నికల్లో అక్రమాలను సవాలు చేయడానికి బీహార్‌లోని మహాఘట్‌బంధన్ బృందం రాహుల్ గాంధీ, ఇతర ప్రతిపక్ష నాయకులు, RJDకి చెందిన తేజస్వి యాదవ్ నేతృత్వంలో 16 రోజుల 'ఓటర్ అధికార్ యాత్ర'ను ప్రారంభించింది.

స్పెషల్ ఇంటెన్సివ్ రివిజన్ (SIR) ప్రక్రియ ద్వారా బీజేపీ ఓటర్ల జాబితాను తారుమారు చేసిందని ఆరోపిస్తూ, ప్రతిపక్ష కూటమి ఆరోపణలు చేస్తూ వస్తోంది.

ఇంతలో, సీట్ల పంపకాల ఏర్పాట్లపై మహాఘట్‌బంధన్‌లో చీలికలు వచ్చాయని పేర్కొంటూ RJD అధినేత లాలూ ప్రసాద్ యాదవ్ వీడియో సోషల్ మీడియాలో వైరల్ అవుతోంది. ఈ వీడియోలో, లాలూ యాదవ్, "కాంగ్రెస్ కూటమి అంటే ఏమిటి? వారు తమ డిపాజిట్ కోల్పోతున్నారు, వారు ఓడిపోయేలా ఉంటే ఆ సీటు కాంగ్రెస్‌కు ఎందుకు ఇస్తాము" అని చెప్పడం వినవచ్చు.

"మహాఘట్బంధన్‌లో పెద్ద చీలిక. సీట్ల పంపకం విషయంలో లాలూ యాదవ్ కాంగ్రెస్‌ను మోసం చేశారు. డిపాజిట్లు గల్లంతయ్యే అవకాశాలు ఉండడంతో కాంగ్రెస్‌కు సీట్లు ఇవ్వబోమని ఆయన అన్నారు" అనే క్యాప్షన్‌తో ఒక X యూజర్ వీడియోను షేర్ చేశారు. (ఆర్కైవ్)

నిజ నిర్ధారణ:

లాలూ యాదవ్ వీడియో 2021 నాటిది, ఈ వాదన తప్పుదారి పట్టించేదిగా ఉందని న్యూస్‌మీటర్ కనుగొంది.

వీడియో కీఫ్రేమ్‌లను రివర్స్ ఇమేజ్ సెర్చ్ చేయగా, అక్టోబర్ 25, 2021న NDTV ప్రచురించిన వీడియో నివేదికలో అదే ఫుటేజ్ కనిపించింది. శీర్షికలో ‘‘Lalu Yadav's statement on Congress in Bihar has increased the rift in the Mahagathbandhan’’ అని ఉంది.

ఆ ఛానల్ ప్రకారం, యాదవ్ ప్రకటన రెండు అసెంబ్లీ స్థానాలైన తారాపూర్, కుశేశ్వర్ ఆస్థాన్‌లకు జరిగిన ఉప ఎన్నికల గురించి చేసింది. “కాంగ్రెస్ సెక్యూరిటీ డిపాజిట్లు కోల్పోవడానికి మనం వారికి సీట్లు ఇవ్వాలా?” అని లాలూ చెప్పినట్లు ఛానల్ ఉటంకించింది.

అక్టోబర్ 3, 2021 నాటి ఇండియా టుడే నివేదిక ప్రకారం, కుశేశ్వర్ ఆస్థాన్ ఉప ఎన్నికకు ముందు కాంగ్రెస్ ఆర్జేడీకి అల్టిమేటం జారీ చేసిందని, పార్టీ తన అభ్యర్థిని గణేష్ భారతిని ఉపసంహరించుకోకపోతే కుశేశ్వర్ ఆస్థాన్, తారాపూర్ అసెంబ్లీ స్థానాల్లో ఆర్జేడీకి వ్యతిరేకంగా అభ్యర్థులను పోటీకి నిలబెడతామని బెదిరించిందని తెలిపింది.

అక్టోబర్ 23, 2021 నాటి NDTV నివేదిక ప్రకారం, కాంగ్రెస్‌ను సంప్రదించకుండానే ఆర్జేడీ రెండు స్థానాలకు అభ్యర్థులను ప్రకటించిందని పేర్కొంది. కొన్ని రోజుల పాటు మౌనం వహించిన తర్వాత, కాంగ్రెస్ రెండు స్థానాలకు తన సొంత అభ్యర్థులను పోటీకి నిలిపింది.

2025 అసెంబ్లీ ఎన్నికలకు ముందు మహాఘట్బంధన్‌లో చీలిక ఏర్పడిందా?

తాజా నివేదిక ప్రకారం.. (లింక్‌లు ఇక్కడ మరియు ఇక్కడ) మహాఘట్బంధన్ కూటమిలో సీట్ల పంపకంపై చర్చలు ఇంకా కొనసాగుతున్నాయి.

ఇంతలో ఈ కూటమి మరింత బలోపేతమవుతోంది. ఓటరు అధికార్ యాత్ర ద్వారా ప్రజలకు మరింత చేరువ అవుతోంది. ఇది బీహార్ అంతటా వారి ప్రచారాన్ని ఉత్తేజపరుస్తోంది.

కాబట్టి, లాలూ యాదవ్ క్లిప్ 2021 నాటిదని మేము నిర్ధారించాము. 2025 అసెంబ్లీ ఎన్నికలకు ముందు ఆయన కాంగ్రెస్‌ను విమర్శిస్తున్నట్లు లేదా కూటమి నుండి బయటకు వస్తున్నట్లుగా ఇది చూపించడం లేదు.

వైరల్ అవుతున్న వాదన ప్రజలను తప్పుదారి పట్టిస్తోంది.

Credit: Mahfooz Alam