విజయ్ దేవరకొండ వెనకడుగు వేశాడా ఏంటి.?

సంక్రాంతి రేసు నుంచి విజయ్ దేవరకొండ సినిమా వెనక్కు తగ్గిందని చెబుతున్నారు. తెలుగు చిత్ర పరిశ్రమలోని అంతర్గత వర్గాల నుండి వచ్చిన సినిమా. మృణాల్ ఠాకూర్ కథానాయికగా, పరశురామ్ పెట్ల దర్శకత్వంలో విజయ్ దేవరకొండ హీరోగా రూపొందుతున్న చిత్రం 'ఫ్యామిలీ స్టార్'. 2024 సంక్రాంతికి విడుదల కానుందని ప్రచారం జరిగింది. అయితే దాదాపుగా ఈ సినిమా సంక్రాంతి రేసు నుంచి నిష్క్రమించిందనే ప్రచారం సాగుతూ ఉంది.

ఈ ఏడాది ముగిసేలోపు షూటింగ్ పార్ట్ పూర్తి చేసి, అనుకున్న ప్రకారం సంక్రాంతికి విడుదల చేయాలని.. ఫ్యామిలీ స్టార్ సినిమా టీమ్ తీవ్రంగా ప్రయత్నించింది. జనవరి 14న సినిమా విడుదల తేదీని ప్రకటించారు. అనుకున్న సమయానికి షూటింగ్ పూర్తి చేసి సినిమాను సంక్రాంతికి సిద్ధం చేయడం అసాధ్యంగా కనిపిస్తోంది. ఫ్యామిలీ స్టార్ యూనిట్ యూఎస్‌లో భారీ షెడ్యూల్ ప్లాన్ చేసినా సరైన సమయంలో వీసాలు అందుకోలేదని సమాచారం. ఈ సమస్య షూట్‌ను ఆలస్యం అయ్యేలా చేసిందని ప్రచారం సాగుతోంది. దీంతో ఇతర పనులు కూడా పెండింగ్‌లో ఉన్నాయి. వచ్చే సంక్రాంతికి ఊహించని పోటీ బాక్సాఫీసు వద్ద ఉంది. చాలా సినిమాలు సంక్రాంతికి వస్తున్నామని ప్రకటించేశాయి. అయితే ఒకటేసారి అన్ని సినిమాలు విడుదలయితే థియేటర్లు దొరకవు. దీంతో సినీ అభిమానులు సినిమాలను మిస్ చేసుకునే అవకాశాలు ఎక్కువగా ఉన్నాయి. కలెక్షన్స్ కూడా భారీగా తగ్గిపోయే అవకాశం ఉండడంతో ఆ తర్వాత కానీ.. ముందుగా కానీ.. సోలో రిలీజ్ చేసుకుంటే బాగుంటుందని భావిస్తూ ఉన్నారు. విజయ్ తీసుకున్న నిర్ణయం ఆ సినిమా కలెక్షన్స్ కు భారీగా ప్లస్ అయ్యే అవకాశం ఉంది. ఇటీవల విడుదలైన ఫ్యామిలీ స్టార్ టీజర్ బాగా వైరల్ అయింది. ముఖ్యంగా 'ఐరనే వంచాలా ఏంటి' బాగా ఫేమస్ అయింది.