నెట్టింట వైర‌ల్‌గా మారిన టైగర్ ష్రాఫ్ లేటెస్ట్ వీడియో
Tiger Shroff's latest video which has gone viral. టైగర్ ష్రాఫ్.. బాలీవుడ్ కండల వీరుడు. ఎప్పటికప్పుడు తన అభిమానులను
By Medi Samrat Published on 8 July 2022 3:30 PM GMT
టైగర్ ష్రాఫ్.. బాలీవుడ్ కండల వీరుడు. ఎప్పటికప్పుడు తన అభిమానులను అలరించడానికి సోషల్ మీడియాలో పలు వీడియోలు పోస్టు చేస్తూ ఉంటాడు. అతడి డ్యాన్స్ మూవ్స్, ఫిట్‌నెస్ వీడియోలను సోషల్ మీడియాలో అభిమానులు ఎక్కువగా చూస్తూ ఉంటారు. తాజాగా ఓ వీడియో గురించి నెటిజన్లు తెగ మాట్లాడుకుంటూ ఉన్నారు. కూ యాప్ లో చర్చించుకుంటూ ఉన్నారు. ఇప్పటివరకు పోస్ట్ చేసిన అన్ని వీడియోల కంటే చాలా భిన్నంగా ఈ వీడియో ఉంది.
ఒక ఫౌంటేన్ ముందు ఎప్పటి లాగే తనదైన శైలిలో టైగర్ ష్రాఫ్ డ్యాన్స్ చేయడం మొదలు పెట్టాడు. ఇంతలో అతడు వేసుకున్న బట్టలు చేంజ్ అవ్వడం మొదలయ్యాయి. ఎడిటింగ్ లో రూపొందించిన ఈ వీడియోలో ఒక్కో స్టెప్ టైగర్ వేస్తూ ఉండగా.. అతడి బట్టలు మారిపోతూ ఉన్నాయి. ఈ వీడియోను టైగర్ ష్రాఫ్ కూ యాప్ ద్వారా షేర్ చేశాడు. మీరు కూడా ఆ వీడియోపై ఓ లుక్ వేయండి. ఇక సినిమాల పరంగా టైగర్ ష్రాఫ్ ఇటీవల 'హీరోపంతి 2' తో ఇటీవల అభిమానులను పలకరించాడు. అయితే ఈ సినిమా సినీ ప్రియులను ఆకట్టుకోవడంలో మాత్రం విఫలమైంది.
