మంత్రి కొండా సురేఖను వదిలేది లేదు: నటుడు అక్కినేని అఖిల్

మంత్రి కొండా సురేఖను వదిలేది లేదని నటుడు అక్కినేని అఖిల్‌ వార్నింగ్‌ ఇచ్చారు. కొండా సురేఖ చేసిన నిరాధారమైన, హాస్యాస్పదమైన ప్రకటనలు అసభ్యకరంగా, జుగుప్సాకరంగా ఉన్నాయన్నారు. ప్రజా సేవకురాలిగా ప్రజలకు రక్షణ కల్పించాలని భావించిన ఆమె తన నైతికత, సామాజిక సంక్షేమాన్ని మరచిపోవాలని నిర్ణయించుకున్నారని అఖిల్‌ అన్నారు. ఆమె ప్రవర్తించిన తీరు సిగ్గుచేటు, క్షమించరానిదని పేర్కొన్నారు.

ఆమె వ్యాఖ్యల వల్ల నిజాయితీగల కుటుంబ సభ్యులు గాయపడ్డారని, అగౌరవంగా మిగిలిపోయారని అన్నారు. ఆమె స్వార్థపూరితంగా గెలవడానికి ప్రయత్నిస్తున్న రాజకీయ యుద్ధంలో ఆమె తన కంటే చాలా ఉన్నతమైన విలువలు, సామాజిక అవగాహన ఉన్న అమాయక వ్యక్తులపై సిగ్గు లేకుండా దాడి చేసి బలిపశువులను చేసిందని అఖిల్‌ పేర్కొన్నారు. కుటుంబ సభ్యుడిగా, సినీ వర్గాల్లో సభ్యుడిగా నేను మౌనంగా ఉండను. ఈ సిగ్గుమాలిన వ్యక్తికి న్యాయం చేస్తానని అన్నారు. సమాజంలో ఆమెలాంటి వాళ్లకు స్థానం, మన్నన లేదని అఖిల్‌ ట్వీట్‌ చేశారు.