సీక్రెట్‌గా పెళ్లి చేసుకున్న తాప్సీ

బాలీవుడ్ నటి తాప్సీ పన్ను పెళ్లి చేసుకుంది. ఇటీవల ఉదయపూర్‌లో తన ప్రియుడు మథియాస్ బోయ్‌ను వివాహం చేసుకున్నట్లు నివేదిక పేర్కొంది. ఈ వివాహం జనవరి 23 శనివారం జరిగింది. ఈ వివాహానికి కుటుంబంతో పాటు, చాలా సన్నిహిత మిత్రులను ఆహ్వానించారు.

'న్యూస్ 18' కథనం ప్రకారం, 'వివాహం ఉదయపూర్‌లో జరిగింది. ఈ విష‌యం చాలా గోప్యంగా ఉంచారు. మార్చి 20న ప్రారంభమైన వివాహానికి ముందు వివాహ వేడుకలు కూడా జరిగాయి. ఈ జంట పెళ్లి విష‌యంలో పెద్దగా మీడియా కవరేజీని.. సందడిని కోరుకోలేదు. చాలా ప్రైవేట్‌గా, ప్రత్యేకమ‌న‌ వ్యక్తులతో జరుపుకోవాలని నిర్ణయించుకున్నారు.

ఈ ఈవెంట్‌లో చాలా మంది బాలీవుడ్ ప్రముఖులు పాల్గొనలేదని నివేదిక పేర్కొంది. ఇటీవల షారుక్ ఖాన్‌తో కలిసి 'డింకీ'లో కనిపించిన తాప్సీ.. దర్శకుడు, స్నేహితుడు అనురాగ్ కశ్యప్‌ను తన వివాహానికి ఆహ్వానించింది. ఇది కాకుండా 'తప్పడ్'లో ఆమె సహనటి పావైల్ గులాటి కూడా అతిథులలో ఉన్నారు. అనురాగ్ కశ్యప్, తాప్సీ చాలా క్లోజ్ ఫ్రెండ్స్. వీరిద్దరూ కలిసి 'మన్మర్జియాన్', 'దోబారా', 'సాంద్ కీ ఆంఖ్' వంటి సినిమాలు చేశారు. ఈ వివాహానికి కనికా ధిల్లాన్, ఆమె భర్త హిమాన్షు శర్మ కూడా హాజరయ్యారు.

పావైల్ గులాటి సోషల్ మీడియాలో పెళ్లి చిత్రాన్ని పంచుకున్నారు, ఇందులో స్టాండప్ కమెడియన్, నటుడు అభిలాష్ థాపియాల్ కూడా కనిపిస్తారు. పెళ్లి తర్వాత తాప్సీ త్వరలో ముంబైలో తన ఇండస్ట్రీ స్నేహితులకు పార్టీ ఇవ్వనుందని చెబుతున్నారు. త్వరలోనే వెడ్డింగ్ రిసెప్షన్ పార్టీ తేదీని ఆమె ప్రకటించే అవకాశం ఉంది.