గుడ్ న్యూస్ చెప్పిన సోనూ సూద్.. ప్రజలకు ఇస్తున్న సలహా ఇదే

సోనూ సూద్.. గతేడాది లాక్ డౌన్ సమయంలో అతడు చేసిన సహాయాన్ని ఏ ఒక్కరూ కూడా మరచిపోలేరు. ఎంతో మందికి సహాయం చేసి సూపర్ హ్యూమన్ గా పేరు తెచ్చుకున్నాడు. అయితే ఆయన్ను కూడా కరోనా మహమ్మారి తాకింది. గత కొద్దిరోజులుగా హోమ్ క్వారెంటైన్ లో ఉన్న సోనూకు తాజాగా నెగటివ్ వచ్చింది. ఈ విషయాన్ని ఆయన సోషల్ మీడియా ద్వారా వెల్లడించారు. దీంతో ఆయన అభిమానులు ఎంతో ఆనందపడుతూ ఉన్నారు.

ఇటీవల కరోనా మహమ్మారి బారిన ఆయనకు తాజా పరీక్షల్లో నెగిటివ్‌ వచ్చింది. ఈ విషయాన్ని స్వయంగా సోనూసూద్‌ వెల్లడించారు. ఆక్సిజన్, రెమిడెసివిర్, బెడ్స్‌ ఉదయం లేచిన దగ్గర్నుంచీ, అర్ధరాత్రి నుండి మరుసటి ఉదయం వరకు ఈ మూడు పదాలే తనకు వినిపిస్తున్నాయని.. కొన్నిసార్లు పాస్ అవుతున్నా, మరి కొన్నిసార్లు విఫలమవుతున్నా.. అయినా ప్రయత్నిస్తూనే ఉంటానని.. దేవుడు అందరినీ చల్లగా చూడాలంటూ సోనూ ట్వీట్‌ చేశారు.

ఆగస్టు 15 న దేశభక్తిని చూపించే వారికి ఒక సందేశాన్ని కూడా ఇచ్చారు. దేశం కోసం ఏదైనా చేయటానికి , దేశభక్తిని చూపించడానికి ఇంతకు మించిన సమయం లేదని అందరూ స్పందించాలంటూ ఆయన ట్వీట్‌ చేశారు.