అదిరిపోయిన టీజర్.. సరిపోదా శనివారం రిలీజ్ డేట్ వచ్చేసింది..!

నేచురల్ స్టార్ నాని, వివేక్ ఆత్రేయ, డివివి ఎంటర్‌టైన్‌మెంట్ కాంబినేషన్ లో వస్తున్న పాన్ ఇండియా ఫిల్మ్ 'సరిపోదా శనివారం'. తాజాగా సినిమా టీజర్ విడుదలైంది. ఇక సినిమాను ఆగస్ట్ 29న విడుదల చేస్తున్నట్లు నిర్మాతలు తెలిపారు. నేచురల్ స్టార్ నాని, టాలెంటెడ్ డైరెక్టర్ వివేక్ ఆత్రేయ కాంబినేషన్ లో వస్తున్న రెండో సినిమా సరిపోద శనివారం. తాజాగా నాని బర్త్ డే సందర్బంగా అదిరిపోయే ట్రీట్ ను మేకర్స్ వదిలారు.. సినిమా నుంచి టీజర్ ను విడుదల చేశారు. SJ సూర్య వాయిస్‌ఓవర్‌తో టీజర్ ప్రారంభమైంది, అతని పాత్ర పేరు సూర్య. కథానాయకుడికి కూడా కోపం వస్తుంది, కానీ అతను దానిని ప్రతిరోజూ చూపించడు. అతనిలో ఉన్న ప్రత్యేకత ఏమిటంటే, అతను జరిగిన సంఘటనలన్నింటినీ పేపర్‌పై వ్రాసి, శనివారాల్లో తనను ఇబ్బంది పెట్టేవారిని వేటాడడం ప్రారంభిస్తాడు. ఆ తర్వాత ఏమి జరిగిందనేదే సినిమా కథ. యాక్షన్-ప్యాక్డ్ క్యారెక్టర్‌లో ఈ సినిమాలో నాని ఆశ్చర్యపరచబోతున్నాడు. డివివి ఎంటర్‌టైన్‌మెంట్స్‌పై డివివి దానయ్య, కళ్యాణ్ దాసరి భారీ బడ్జెట్‌తో భారీ కాన్వాస్‌తో ఈ ప్రాజెక్ట్‌ని నిర్మిస్తున్నారు. నానికి పుట్టినరోజు శుభాకాంక్షలు తెలియజేస్తూ, మేకర్స్ టీజర్‌తో ముందుకు వచ్చారు.