కొంపల్లి ముజిగల్‌లో సరిగమప లిటిల్‌ ఛాంప్స్ సంద‌డి
Sarigamapa Little Champs visit Kompally Mujigal. హైదరాబాద్‌ ప్రీమియర్‌ సంగీత అకాడమీ ముజిగల్‌ కొంపల్లి శాఖలో సరిగమప లిటిల్‌ ఛాంప్స్ వాగ్దేవి
By Medi Samrat
హైదరాబాద్‌ ప్రీమియర్‌ సంగీత అకాడమీ ముజిగల్‌ కొంపల్లి శాఖలో సరిగమప లిటిల్‌ ఛాంప్స్ వాగ్దేవి, శశాంక్‌, శ్రావణి సంద‌డి చేశారు. తమ అద్భుతమైన ప్రదర్శనతో ఔత్సాహిక సంగీత కారులను సంభ్రమాశ్చర్యాలలో ముంచెత్తిన వీరు.. ఇటీవల ట్రినిటీ పరీక్షలను పాస్‌ అయిన వారికి సర్టిఫికెట్లను సైతం అందజేశారు. ఈ సందర్భంగా ముజిగల్‌ కొంపల్లి శాఖ ఫ్రాంచైజీ భాగస్వామి మాట్లాడుతూ.. సరిగమప లిటిల్‌ ఛాంప్స్ తెలంగాణా పార్టీసిపెంట్స్ మా శాఖను సందర్శించి.. మా విద్యార్ధులకు స్ఫూర్తి కలిగించడం పట్ల సంతోషంగా ఉన్నామన్నారు.
లిటిల్‌ ఛాంప్స్ రావ‌డం వ‌ల్ల మా విద్యార్ధులకు, వారి తల్లిదండ్రులకు స్ఫూర్తి కలిగింది. ఈ యువ చాంఫియన్స్‌ ట్రినిటీ పరీక్షల సర్టిఫికెట్లను మా విద్యార్ధులకు అందజేయడం ఆనందంగా ఉందని ముజిగల్‌ ఫౌండర్‌ డాక్టర్‌ లక్ష్మీ నారాయణ యేలూరి అన్నారు. ఈ కార్యక్రమానికి సంగీతాభిమానులు, సామాన్యులు పెద్ద సంఖ్యలో హాజరయ్యారు.
