'ఇలాగే నవ్వుతూ ఉండండి'.. అనంత్ అంబానీకి సల్లూభాయ్‌ స్పెష‌ల్ విషెస్‌..!

ప్రముఖ వ్యాపారవేత్త ముఖేష్ అంబానీ చిన్న కుమారుడు అనంత్ అంబానీ ఏప్రిల్ 10న తన 31వ పుట్టినరోజు జరుపుకుంటున్నారు. ఈ ప్రత్యేక సందర్భంలో పలువురు బాలీవుడ్ తారలు అనంత్ అంబానీకి తమ హృదయపూర్వక శుభాకాంక్షలు తెలిపారు.

అయితే సల్మాన్ ఖాన్, అనంత్‌ల ఫోటో ఎక్కువగా ఆకట్టుకుంది. "భాయిజాన్" అనంత్ అంబానీతో ఉన్న ఒక అందమైన ఫోటోను పంచుకుంటూ ఆయనకు పుట్టినరోజు శుభాకాంక్షలు తెలిపారు.

సల్మాన్ ఖాన్ తన అధికారిక ఇన్‌స్టాగ్రామ్ ఖాతాలో ఇంతకుముందు జ‌నాలు చూడని ఒక ఫోటోను పంచుకుంటూ, వ్యాపారవేత్త అనంత్ అంబానీకి ఆయన ప్రత్యేక పుట్టినరోజు సందర్భంగా శుభాకాంక్షలు తెలిపారు. ఆ ఫోటోలో, భాయిజాన్ అనంత్ అంబానీ వీపుపై స్వారీ చేస్తూ కనిపించారు. వారి అభిమానులు బంధాన్ని ఎంతగానో ఇష్టపడుతున్నారు.

భాయిజాన్ ఇన్‌స్టాగ్రామ్ క్యాప్షన్‌లో ఇలా రాశారు.. ఇది వినండి, మీ జ్ఞాపకశక్తి బలహీనంగా ఉంటే రాసుకోండి... ఈయన దేశాన్ని ఉన్నత స్థాయికి తీసుకెళ్తారు. నా తమ్ముడు అనంత్, దేవుడు నీకు దీర్ఘాయువు ప్రసాదించుగాక.

సల్మాన్ ఖాన్, అనంత్ అంబానీల మధ్య ఉన్న ఈ అందమైన బంధాన్ని సోషల్ మీడియా యూజర్లు ఎంతగానో ఇష్టపడుతున్నారు. కామెంట్స్ సెక్షన్‌లో తమ ప్రేమను కురిపిస్తున్నారు. ఒక యూజర్, "మీ స్నేహంపై ఎటువంటి చెడు దృష్టి పడకూడదు" అని రాశారు. మరో యూజర్, "సల్మాన్ ఖాన్, మీరు నవ్వినప్పుడు చిన్నపిల్లాడిలా కనిపిస్తారు, ఇలాగే నవ్వుతూ ఉండండి" అని కామెంట్ చేశారు.

మరో అభిమాని ఇలా రాశారు, "అనంత్ అంబానీకి పుట్టినరోజు శుభాకాంక్షలు... మా భాయిజాన్ ముఖంలో ఈ పెద్ద చిరునవ్వును తీసుకువచ్చినందుకు మీకు ధన్యవాదాలు."

ఏప్రిల్ 9వ తేదీన గుజరాత్‌లోని జామ్‌నగర్‌లో అనంత్ అంబానీ ఒక భారీ పుట్టినరోజు వేడుకను నిర్వహించారు. ఈ వేడుకకు బాలీవుడ్‌కు చెందిన పలువురు ప్రముఖ తారలు కూడా హాజరయ్యారు. షారుఖ్ ఖాన్, సల్మాన్ ఖాన్, రణవీర్ సింగ్, అనన్య పాండే, జాన్వీ కపూర్ సహా పలువురు సెలబ్రిటీలు అనంత్ అంబానీ పుట్టినరోజు వేడుకకు హాజరయ్యారు.