రష్మికకు సంబంధించిన వీడియోలు-ఫోటోలు అలా..!

రష్మిక మందాన నటించిన 'థామ' సినిమా ఇటీవల ప్రైమ్ వీడియోలోకి వచ్చింది. ఈ సినిమా OTTలో విడుదలైన వెంటనే, రష్మికకు సంబంధించిన కొన్ని AI- జనరేటెడ్ ఫోటోలు సోషల్ మీడియాలో వైరల్ అయ్యాయి. ఎడిట్ చేసిన AI చిత్రాలు రష్మికను తీవ్రంగా బాధించాయి. ఆమె ఈ చర్యలను ఆన్‌లైన్‌లో తీవ్రంగా ఖండించారు. ప్రజలు మరింత జాగ్రత్తగా, బాధ్యతాయుతంగా ఉండాలని రష్మిక అన్నారు. AI ఒక శక్తివంతమైన సాధనం అయినప్పటికీ, దాని దుర్వినియోగం, ముఖ్యంగా అసభ్యకరమైన కంటెంట్‌ను సృష్టించడం మహిళలను లక్ష్యంగా చేసుకోవడం క్షమించరాని నేరమని ఆమె ఆగ్రహం వ్యక్తం చేశారు.

సాంకేతికతను దుర్వినియోగం చేస్తూ అసభ్యకరంగా ప్రవర్తించే వారిని తప్పుబడుతూ రష్మిక పోస్ట్ చేశారు. అటువంటి వ్యక్తులపై ఆమె ఆగ్రహం వ్యక్తం చేశారు. అలాంటి వారికి తప్పకుండా శిక్ష పడాలని రష్మిక డిమాండ్ చేశారు.