షారూఖ్ నివాస‌ముండే ఏరియాలో అపార్ట్‌మెంట్‌ను కొన్న రణవీర్.!

బాలీవుడ్ నటుడు రణవీర్ సింగ్.. బాంద్రాలోని సీ-వ్యూ లగ్జరీ క్వాడ్రపుల్స్ అపార్ట్‌మెంట్ యజమాని అయ్యాడు. ఇటీవలి నివేదికల ప్రకారం.. రణ్‌వీర్ తన తండ్రి జుగ్జీత్ సుందర్‌సింగ్ భవ్నానీ సంస్థ ఓహ్ ఫైవ్ ఓహ్ మీడియా వర్క్స్ ఎల్‌ఎల్‌పితో కలిసి ముంబైలోని పోష్ ఏరియాలో రూ.119 కోట్ల విలువైన క్వాడ్రప్లెక్స్‌ అపార్ట్మెంట్ ను కొనుగోలు చేశారు. బాంద్రా అంటే.. ఖరీదైన భవనాలకు ప్రసిద్ధి చెందింది. ఇక్కడ సూపర్ స్టార్ షారూఖ్ ఖాన్‌తో సహా పలువురు బాలీవుడ్ ప్రముఖులు నివసిస్తున్నారు. రణవీర్ అపార్ట్‌మెంట్ సమీపంలోనే SRK నివాసం మన్నత్ ఉంది. ఇప్పటికే 2021లో, రణ్‌వీర్ మరియు అతని భార్య దీపికా పదుకొణె అలీబాగ్‌లో రూ. 22 కోట్లతో బంగ్లాను కొనుగోలు చేశారు.

ఇటీవల, రణ్వీర్‌తో పాటు 'రాకీ ఔర్ రాణి కి ప్రేమ్ కహానీ' సహనటి అలియా భట్, కరణ్ జోహార్ హోస్ట్ చేసిన 'కాఫీ విత్ కరణ్' షోలో కనిపించారు. పెళ్లి తర్వాత పరిస్థితులు ఎలా మారాయనే దాని గురించి అలియా స్పష్టంగా చెప్పగా, రణవీర్ తన అత్తమామలతో కలిసిపోవడానికి పెళ్లి తర్వాత ఎలా చోటు చేసుకున్నాయో చెప్పుకొచ్చాడు. సినిమాల పరంగా రణవీర్ రోహిత్ శెట్టి దర్శకత్వం వహిస్తున్న 'సర్కస్'లో కనిపించనున్నాడు. ఈ చిత్రంలో జాక్వెలిన్ ఫెర్నాండెజ్, పూజా హెగ్డే, వరుణ్ శర్మ కూడా ప్రముఖ పాత్రలు పోషిస్తున్నారు. ఈ చిత్రం రణవీర్ కెరీర్‌లో మొదటిసారి ద్విపాత్రాభినయం చేస్తున్న సినిమా. ఈ చిత్రం క్రిస్మస్ 2022 సందర్భంగా థియేటర్లలోకి రావడానికి సిద్ధంగా ఉంది.