నిరీక్షణకు తెర..'హరి హర వీరమల్లు' ట్రైలర్ వచ్చేసింది

పవర్‌స్టార్ పవన్ కల్యాణ్‌ ప్రధాన పాత్రలో నటిస్తున్న మూవీ 'హరిహరవీరమల్లు'. అభిమానులు ఎంతో ఆసక్తిగా ఎదురుచూస్తున్న ఈ సినిమా ట్రైలర్ విడుదలైంది. మొఘల్ సామ్రాజ్యానికి వ్యతిరేకంగా పోరాడిన వీరమల్లు అనే యోధుడి పాత్రలో పవన్ పవర్‌ఫుల్‌గా క‌నిపించారు. ట్రైలర్‌లోని భారీ యాక్షన్ సన్నివేశాలు, పవర్‌ఫుల్ డైలాగ్స్ సినిమాపై అంచనాలను అమాంతం పెంచేశాయి.

ఈ సినిమాను మొదట క్రిష్​ ప్రారంభించారు . పలు కారణాల వల్ల ఆయన తప్పుకోగా, జ్యోతి కృష్ణ బాధ్యతలు తీసుకున్నారు. పవన్​ ఇందులో యోధుడి పాత్రలో నటించారు. హిస్టారికల్‌ యాక్షన్‌గా ఈ సినిమా సిద్ధమయ్యింది. మొఘల్‌ సామ్రాజ్యం నేపథ్యంలో కథ సాగుతుంది. నిధి అగర్వాల్‌ హీరోయిన్​గా నటించగా, కీరవాణి మ్యూజిక్​ అందించారు. కాగా, దీనిని రెండు భాగాల్లో ప్రేక్షకుల ముందుకు తీసుకురానున్నారు. తొలి భాగం 'స్వార్డ్ వర్సెస్ స్పిరిట్' పేరుతో రానుంది. జ్ఞాన శేఖర్ వి.ఎస్, మనోజ్ పరమహంస సినిమ్యాటోగ్రాఫర్‌గా వ్యవహరిస్తున్నారు.