'స్కంద' ప్రీరిలీజ్ ఈవెంట్.. బాలయ్య వస్తున్నాడు

పోతినేని రామ్‌-బోయపాటి శ్రీను కాంబినేషన్‌లో తెరకెక్కుతున్న చిత్రం స్కంద. శ్రీలీల హీరోయిన్ గా నటిస్తున్నఈ చిత్రంపై భారీ అంచనాలున్నాయి. ఇప్పటికే గ్లింప్స్‌, పాటలు ప్రేక్షకులను ఆకట్టుకున్నాయి. యాక్షన్ ఎంటర్‌టైనర్‌గా తెరకెక్కిన ఈ సినిమా పాన్ ఇండియా స్థాయిలో వివిధ భాషల్లో సెప్టెంబర్‌ 15న ప్రేక్షకుల ముందుకు రానుంది. ఇప్పటికే చిత్ర యూనిట్ ప్రమోషన్స్ కూడా మొదలు పెట్టింది. శనివారం ప్రీ రిలీజ్ ఈవెంట్ ను హైదరాబాద్ శిల్పకళా వేదికలో భారీ ఎత్తున నిర్వహించనుంది. ఈ ఈవెంట్‌కు రాబోతున్నారు. ఈ విష‌యాన్ని తెలుపుతూ మేకర్స్ సోష‌ల్ మీడియా వేదిక‌గా ఓ ప్రత్యేక పోస్టర్ ను విడుదల చేశారు. ప్రీ రిలీజ్ థండ‌ర్‌కు చీఫ్ గెస్ట్‌గా న‌ట‌సింహం నందమూరి బాలకృష్ణ వ‌స్తున్నాడు అంటూ మేకర్స్ సోష‌ల్ మీడియా వేదిక‌గా వెల్ల‌డించారు.

స్కంద సినిమా ట్రైల‌ర్‌ను ఆగస్టు 26న విడుదల చేస్తున్న‌ట్లు మేక‌ర్స్ ప్ర‌క‌టించారు. శ్రీలీల హీరోయిన్‌గా నటిస్తున్న ఈ సినిమాను శ్రీనివాస సిల్వర్‌ స్క్రీన్‌ పతాకంపై శ్రీనివాస చిట్టూరి ఈ సినిమాను నిర్మిస్తున్నాడు. సెప్టెంబర్‌ 15న తెలుగుతో పాటు హిందీ, కన్నడ, మలయాళ, తమిళ భాషల్లో ఈ సినిమా రిలీజ్‌ కానుంది. బోయపాటి ఈ సినిమా తర్వాత బాలయ్యతో సినిమా చేసే అవకాశాలు ఉన్నాయని అంటున్నారు.