Viral Video : బూట్లు ధరించి పూజ ద‌గ్గ‌ర‌కు వ‌చ్చిన వారిపై కాజోల్ ఫైర్‌..!
దేశమంతటా విజ‌య‌ద‌శ‌మి వేడుకలు జరుగుతున్నాయి. నవరాత్రులతో పాటు దేశవ్యాప్తంగా దుర్గాపూజ కూడా జరుపుకుంటారు
By Medi Samrat Published on 11 Oct 2024 11:17 AM GMT
దేశమంతటా విజ‌య‌ద‌శ‌మి వేడుకలు జరుగుతున్నాయి. నవరాత్రులతో పాటు దేశవ్యాప్తంగా దుర్గాపూజ కూడా జరుపుకుంటారు. బెంగాలీ బ్యూటీ కాజోల్ ముంబైలో దుర్గాపూజ పండల్ నిర్వహిస్తుంది. అక్కడ ఆమె తన కుటుంబంతో పండుగ జరుపుకుంటుంది. అయితే.. ఆమె పాపపై అరుస్తూ కనిపించింది. ఆమె కోపంగా ఉన్న ఈ వీడియో వైరల్ అవుతుంది.
పూజ మధ్యలో కొంత మందిపై కాజోల్ ఆగ్రహం వ్యక్తం చేయడం వీడియోలో కనిపిస్తుంది. షూస్ వేసుకుని పూజకు రావడమే ఆమె కోపానికి కారణం. కొందరు వ్యక్తులు బూట్లు ధరించి పూజకు వచ్చారు. ఇది చూసిన నటి వారిపై అరవడం ప్రారంభించింది.
కాజోల్ షూ ధ‌రించిన వ్య‌క్తుల‌పై అరుస్తూ పక్కకు తప్పుకోవాలని కోరింది. అతడు బూట్లు ధరించి లోపలికి రాగానే ఆగ్రహం వ్యక్తం చేసింది. కాజోల్‌కి సంబంధించిన ఈ వీడియో సోషల్‌ మీడియాలో వైరల్ అవుతోంది. ఈ వీడియో చూసిన జనాలు కాజోల్‌కు మద్దతు పలుకుతున్నారు. కాజోల్ ఏం చేసినా కరెక్ట్ అని అంటున్నారు జనాలు. పూజలో షూస్ వేసుకుంటే ఎవరికైనా కోపం వస్తుందని యూజర్లు అంటున్నారు. ఆ సమయంలో కాజోల్ పింక్-పర్పుల్ కలర్ చీరను ధరించింది. ప‌క్క‌న అలియాను కూడా చూడ‌వ‌చ్చు.
