సల్మాన్ ఖాన్ సినిమాలో కాజల్ అగర్వాల్

నటి కాజల్ అగర్వాల్ అధికారికంగా సల్మాన్ ఖాన్ సికందర్ తారాగణంలో చేరింది. సెప్టెంబర్ 12, గురువారం కాజల్ ఇన్‌స్టాగ్రామ్‌లో ఒక పోస్ట్‌ను షేర్ చేసి తాను సల్మాన్ ఖాన్ తో నటిస్తున్నా అని అఫీషియల్ అనౌన్స్మెంట్ ఇచ్చింది. ఏఆర్ మురుగదాస్ దర్శకత్వం వహిస్తున్న ఈ చిత్రంలో రష్మిక మందన్న కూడా కథానాయికగా నటిస్తోంది. కాజల్ అగర్వాల్ నదియాడ్‌వాలా గ్రాండ్‌సన్ ఎంటర్‌టైన్‌మెంట్, రష్మిక మందన్నను ట్యాగ్ చేసి, '#సికందర్ డే 1' అనే హ్యాష్‌ట్యాగ్‌ని ఉపయోగించింది.

సికందర్ షూటింగ్ జూన్‌లో మొదలైంది. 33,000 అడుగుల ఎత్తులో ప్రతిష్టాత్మకమైన యాక్షన్ సీక్వెన్స్‌తో ప్రారంభమైంది. ప్రస్తుతం 45 రోజుల షూటింగ్ షెడ్యూల్‌లో ఉన్న టీమ్, ఆ తర్వాత హైదరాబాద్‌లోని ప్యాలెస్‌ లో షూటింగ్ చేయనున్నారు. ఈద్ 2024 కోసం ప్రకటించినప్పటి నుండి ఎంతో ఆసక్తిగా ఎదురుచూస్తున్న చిత్రం సికందర్ కు మంచి హైప్ ఉంది. ఏడాదిన్నర విరామం తర్వాత సల్మాన్ ఖాన్ సినిమా థియేటర్‌లకు తిరిగి రావడం ఆయన ఫ్యాన్స్ లో మంచి జోష్ ను పెంచింది. AR మురుగదాస్ బాలీవుడ్ లో గజిని, హాలిడే: ఎ సోల్జర్ ఈజ్ నెవర్ ఆఫ్ డ్యూటీ వంటి బ్లాక్‌బస్టర్ హిట్‌లకు పేరు తెచ్చుకున్నాడు. మరోసారి మురుగదాస్ బాలీవుడ్‌ సినిమా చేస్తుండడంతో అంచనాలు భారీగా ఉన్నాయి.