రోడ్డు ప్రమాదంలో జబర్దస్త్ న‌టుడికి గాయాలు

జబర్దస్త్ షోలో ప్రముఖ హాస్యనటుడు రామ్ ప్రసాద్ షూటింగ్ లొకేషన్‌కు వెళ్తుండగా రోడ్డు ప్రమాదంలో గాయపడ్డారు. తుక్కుగూడ వద్ద ఔటర్ రింగ్ రోడ్డుపై ఆయన ప్రయాణిస్తున్న కారును మరో వాహనం ఢీకొట్టడంతో ఈ ఘటన చోటుచేసుకుంది. అదృష్టవశాత్తూ, ప్రమాదంలో అతనికి స్వల్ప గాయాలయ్యాయి.

తుక్కుగూడ వద్ద ఔటర్ రింగ్ రోడ్డుపై ప్రయాణిస్తున్న రామ్ ప్రసాద్ కారు ప్రమాదానికి గురైంది. రాంప్రసాద్ షూటింగ్ స్పాట్‌కు వెళుతుండగా సడన్ బ్రేక్ వేయడంతో వెనుక నుంచి ఓ వాహనం ఢీకొట్టింది. దీంతో రాంప్రసాద్ కారు ముందున్న మరో కారును ఢీకొట్టింది. ఈ ప్రమాదంలో అతని కారు బాగా దెబ్బతిన్నది. రాంప్రసాద్‌ గాయపడడంతో అతడిని 108లో సమీపంలోని ఆసుపత్రికి తరలించారు.