'హనుమాన్‌' మూవీ టీజర్.. రిలీజ్‌ ఎప్పుడంటే?
Hanuman Movie Teaser Date Announcement On November7. ప్రయోగాత్మక సినిమాలతో టాలీవుడ్‌లో దర్శకుడు ప్రశాంత్‌ వర్మ ప్రత్యేక గుర్తింపు తెచ్చుకున్నాడు.
By అంజి Published on 4 Nov 2022 9:47 AM GMT
ప్రయోగాత్మక సినిమాలతో టాలీవుడ్‌లో దర్శకుడు ప్రశాంత్‌ వర్మ ప్రత్యేక గుర్తింపు తెచ్చుకున్నాడు. 'అ!', 'కల్కి', 'జాంబిరెడ్డి' వంటి ఇంట్రెస్టింగ్‌ సినిమాలు తెరకెక్కించిన ప్రశాంత్‌ వర్మ.. ఇప్పుడు 'హనుమాన్‌' అనే పాన్‌ ఇండియా సినిమా తీస్తున్నాడు. ఈ సినిమా సూపర్‌ హీరో ఫాంటసీ నేపథ్యంలో తెరకెక్కుతోంది. తేజా సజ్జా హీరోగా నటిస్తున్నాడు. ప్రస్తుతం ఈ మూవీ చిత్రీకరణ జరుగుతోంది. ఇప్పటికే ఈ మూవీ నుంచి రిలీజైన పోస్టర్‌లు, గ్లింప్స్‌ సినీ ప్రేక్షకుల్లో భారీ అంచనాలను సెట్‌ చేశాయి. తాజాగా ఈ మూవీకి సంబంధించి చిత్రయూనిట్‌ బిగ్‌ అప్‌డేట్‌ ప్రకటించింది.
దర్శకుడు ప్రశాంత్‌ వర్మ ఈ మూవీ టీజర్ రిలీజ్‌కు సంబంధించిన విషయాన్ని ప్రేక్షకులతో పంచుకున్నాడు. 'హనుమాన్‌' టీజర్‌ను నవంబర్‌ 7న విడుదల చేయనున్నట్లు తెలిపాడు. కాగా ఈ మూవీ టీజర్ దసరా కానుకగా రిలీజ్‌ చేస్తున్నట్లు గతంలోనే ప్రకటించారు. కానీ 'ఆదిపురుష్' టీజర్ రావడంతో పోస్ట్‌ పోన్‌ చేయాల్సి వచ్చింది. ఈ సినిమా ఫస్ట్ పాన్‌ ఇండియన్‌ సూపర్‌ హీరో మూవీగా తెరకెక్కుతుంది. ఈ మూవీలో తేజ సజ్జాకు జోడీగా అమృత అయ్యర్‌ నటిస్తోంది. వరలక్ష్మీ శరత్‌ కుమార్‌ కీ రోల్‌ ప్లే చేస్తోంది. డాక్టర్‌ ఫేం వినయ్‌రాయ్‌ విలన్‌ రోల్‌లో నటిస్తున్నాడు. వచ్చే ఏడాది ప్రథమార్థంలో ఈ సినిమాను రిలీజ్‌ చేసేందుకు మేకర్స్‌ సన్నాహాలు చేస్తున్నారు.
