రోడ్డు ప్ర‌మాదంలో గాయ‌పడిన క‌త్తి మహేష్.. ఆస్ప‌త్రిలో చికిత్స
Film Critic Kathi Mahesh injured in road accident.న‌టుడు, ఫిల్మ్ క్రిటిక్ క‌త్తి మహేష్ పెను ప్ర‌మాదం
By తోట వంశీ కుమార్‌ Published on 26 Jun 2021 5:30 AM GMT
న‌టుడు, ఫిల్మ్ క్రిటిక్ క‌త్తి మహేష్ పెను ప్ర‌మాదం నుంచి త‌ప్పించుకున్నారు. ఆయ‌న ప్రయాణిస్తున్న కారు ప్ర‌మాదానికి గురైంది. ఈ ప్ర‌మాదం నుంచి క‌త్తి మహేష్ స్వ‌ల్ప‌గాయాల‌తో బ‌య‌ట‌ప‌డ్డారు. ప్రస్తుతం ఓ ప్రైవేటు ఆస్ప‌త్రిలో చికిత్స పొందుతున్నారు. వివ‌రాల్లోకి వెళితే.. నెల్లూరు జిల్లా కొడ‌వ‌లూరు మండ‌లం చంద్ర‌శేఖ‌ర్ పురం జాతీయ ర‌హ‌దారిపై ఇన్నోవాలో క‌త్తి మ‌హేశ్ ప్ర‌యాణిస్తున్నారు. అయితే.. ప్ర‌మాద వ‌శాత్తు ఆయ‌న ప్రయాణిస్తున్న కారు ముందు వెలుతున్న లారీని వేగంగా ఢీ కొట్టింది.
ఈ ఘ‌ట‌న‌లో కారు ముందు భాగం నుజ్జునుజ్జు అయ్యింది. అయితే.. ఎయిర్ బ్యాగ్స్ తెరుచుకోవ‌డంతో వ‌ల్ల మహేష్ స్వ‌ల్ప‌గాయాల‌తో బ‌య‌ట‌ప‌డ్డారు. ప్రస్తుతం నెల్లూరులోని ఓ ప్రైవేటు ఆస్ప‌త్రిలో చికిత్స తీసుకుంటున్నారు. మహేష్ స్వ‌ల్ప‌గాయాల‌తో ప్ర‌మాదం నుంచి బ‌య‌ట ప‌డ‌డంతో ఆయ‌న కుటుంబ స‌భ్యులు, అభిమానులు ఊపిరిపీల్చుకున్నారు.
