బాలయ్య డాకు మహారాజ్ ట్రైలర్ కు ముహూర్తం ఖరారు

నందమూరి బాలకృష్ణ హీరోగా నటించిన డాకు మహారాజ్ ట్రైలర్ వివరాలు అధికారికంగా వెలువడ్డాయి. ఇటీవలే లక్కీ భాస్కర్ తో బ్లాక్‌బస్టర్‌ను అందుకున్న నిర్మాత నాగ వంశీ, నందమూరి బాలకృష్ణ హీరోగా బాబీ దర్శకత్వంలో తెరకెక్కుతున్న డాకు మహారాజ్‌తో ఈ సంక్రాంతికి రాబోతున్నాడు.

చిత్ర నిర్మాత, దర్శకుడు విలేకరులతో సమావేశమై సినిమా ప్రచార కార్యక్రమాల గురించి తెలియజేశారు. డాకు మహారాజ్ ట్రైలర్ వివరాలను అధికారికంగా వెల్లడించారు. తొలుత జనవరి 2న హైదరాబాద్‌లో ట్రైలర్‌ను విడుదల చేయనున్నారు. ఆ తర్వాత అమెరికాలో స్థానిక కాలమానం ప్రకారం జనవరి 4వ తేదీ సాయంత్రం అమెరికాలోని డల్లాస్‌లో గ్రాండ్‌గా ప్రీ రిలీజ్ ఈవెంట్ జరగనుంది. ఈ సందర్భంగా సినిమాలోని ఓ పాటను కూడా విడుదల చేయనున్నారు.

డాకు మహారాజ్ సినిమాకు సంబంధించిన మరొక ప్రీ-రిలీజ్ ఈవెంట్ ఆంధ్రప్రదేశ్‌లో జరుగుతుందని, విజయవాడ లేదా మంగళగిరిలో ఈ ఈవెంట్‌ను ఏర్పాటు చేయడానికి ప్రణాళికలను రచిస్తున్నట్లు నాగ వంశీ చెప్పారు. డాకు మహారాజ్ జనవరి 12, 2025న ప్రపంచవ్యాప్తంగా థియేటర్లలో విడుదల కానుంది.