అయాన్ గురించి కామెంట్లు చేసిన అల్లు అర్జున్.. ఫుల్ వైరల్

ఐకాన్ స్టార్ అల్లు అర్జున్ 74వ బెర్లిన్ ఇంటర్నేషనల్ ఫిల్మ్ ఫెస్టివల్ (బెర్లినేల్ 2024) లో పాల్గొనడానికి జర్మనీకి వెళ్లి వచ్చారు. అక్కడ అల్లు అర్జున్ సగర్వంగా టాలీవుడ్‌కి/భారతదేశ చలన చిత్ర పరిశ్రమకు ప్రాతినిధ్యం వహించారు. అక్కడ కొన్ని కార్యక్రమాలలో పాల్గొన్న తర్వాత ఇండియాకు చేరుకున్నారు.

అల్లు అర్జున్ ఓ కార్యక్రమంలో కొడుకు అయాన్ గురించి చెప్పిన వ్యాఖ్యలు సోషల్ మీడియాలో వైరల్ అవుతూ ఉన్నాయి. అయాన్ సోషల్ మీడియాలో బాగా ఫేమస్ అయిన సంగతి తెలిసిందే. ఇటీవల అల్లు అర్జున్ బెర్లిన్ వెళ్లగా అక్కడ ఫ్యాన్స్ తో ఇంటరాక్షన్ నిర్వహించారు. ఆ సమయంలో ఓ ఫ్యాన్.. అల్లు అయాన్ అంటూ గట్టిగా అరిచారు. వెంటనే బన్నీ స్పందిస్తూ మోడల్ బోల్తే అంటూ మోడల్ సింబల్ చూపించారు. దీంతో ఒక్కసారిగా ఫ్యాన్స్ అంతా గట్టిగా అరుస్తూ సందడి చేశారు. ఇక సోషల్ మీడియాలో ఈ వీడియో వైరల్ గా మారింది.

ఆగస్ట్ 15, 2024న బహుళ భాషల్లో గ్రాండ్ రిలీజ్‌కు సిద్ధంగా ఉంది పుష్ప 2. భారీ షెడ్యూల్‌లో అల్లు అర్జున్ కూడా భాగమవుతున్నాడు. సుకుమార్ దర్శకత్వం వహించిన ఈ చిత్రం ఈ ఏడాది బిగ్గెస్ట్ రిలీజ్ సినిమాలో ఒకటిగా మారింది.