అప్పుడు విరాట్-అనుష్క కోరినట్లుగా.. ఇప్పుడు ఆలియా-రణబీర్

విరాట్ కోహ్లీ, అనుష్క శర్మ ప్రేమించి పెళ్లి చేసుకున్నారు. వారికి కుమార్తె పుట్టిన సంగతి తెలిసిందే..! ఆమెను చాలా వరకూ బయట ప్రపంచానికి తెలియకుండా ఆ కపుల్స్ చూసుకున్నారు. తమతో పాటూ బయటకు వచ్చినప్పుడు మా కుమార్తె ఫోటోలు, వీడియోలు తీయకండని విరుష్క జంట గతంలో మీడియాను కోరింది. ఇప్పుడు అదే బాటలో అలియా-రణబీర్ కూడా నడిచారు.

రణబీర్ కపూర్, అలియా భట్ ఏప్రిల్ 14, 2022న వివాహం చేసుకున్నారు. ఈ జంటకి రాహా అనే కూతురు పుట్టింది. కూతురి పిక్స్ బయటికి రాకుండా ఈ జంట గోప్యంగా ఉంచింది. ఈ జంట ఫొటోగ్రాఫర్లను వ్యక్తిగతంగా కలిసి కొన్ని రోజుల పాటు తమ కూతురి ఫొటోలు తీయొద్దని అభ్యర్థించారు. తనకి సరైన వయస్సు వచ్చి, సమయంలో వచ్చినప్పుడు తన ఫొటోలను తీసుకోడానికి అనుమతిస్తామని హామీ ఇచ్చారు.