ఎంజాయ్ పండగో.. ఓటీటీలోకి ఏజెంట్
తెలుగు సినీ అభిమానులు ఎన్నో రోజులుగా ఎదురుచూసిన అక్కినేని అఖిల్ 'ఏజెంట్' సినిమా ఎట్టకేలకు ఓటీటీలోకి వచ్చేసింది.
By Medi Samrat
తెలుగు సినీ అభిమానులు ఎన్నో రోజులుగా ఎదురుచూసిన అక్కినేని అఖిల్ 'ఏజెంట్' సినిమా ఎట్టకేలకు ఓటీటీలోకి వచ్చేసింది. ఈ సినిమా దాదాపు రెండు సంవత్సరాల క్రితం థియేటర్లలో విడుదలైంది. భారీ బడ్జెట్‌తో నిర్మించిన ఈ చిత్రం మంచి అంచనాలతో విడుదలైంది కానీ బాక్సాఫీస్ వద్ద ఘోరంగా విఫలమైంది. ఆ తర్వాత, ఈ సినిమా డిజిటల్ విడుదల చాలా కాలం పాటు ఆలస్యం అయింది. చివరకు ఏజెంట్ OTTలో విడుదలైంది.
ఈ చిత్రం నిర్మాతలు, కొనుగోలుదారులకు భారీ నష్టాన్ని తెచ్చిపెట్టింది. అలాగే, విడుదల తర్వాత ఇది అనేక ఆర్థిక అడ్డంకులను ఎదుర్కొంది. దీని వలన ఏజెంట్ సినిమా OTT విడుదల మరింత ఆలస్యం అయింది. ఈ సినిమా ఇంకా టెలివిజన్‌లో కూడా ప్రదర్శించలేదు.
సురేందర్ రెడ్డి దర్శకత్వం వహించిన ఈ యాక్షన్ థ్రిల్లర్ సోనీ లివ్‌లో తెలుగు, తమిళం, మలయాళం, కన్నడ భాషలలో ప్రసారం అవుతుంది. ఈ చిత్రంలో మమ్ముట్టి కీలక పాత్ర పోషించగా, సాక్షి వైద్య కథానాయికగా నటించింది.
