అప్పటి వరకు.. కాలేజీలు, యూనివర్సీటిలు మూసివేత.. పరీక్షలు మాత్రం యథాతథం

Uttar Pradesh colleges, universities closed till Jan 16, exams to continue. కోవిడ్-19 పరిస్థితి దృష్ట్యా, ఉత్తరప్రదేశ్‌లోని అన్ని విశ్వవిద్యాలయాలు, కళాశాలలను మూసివేయాలని నిర్ణయించారు.

By అంజి  Published on  9 Jan 2022 8:53 AM GMT
అప్పటి వరకు.. కాలేజీలు, యూనివర్సీటిలు మూసివేత.. పరీక్షలు మాత్రం యథాతథం

కోవిడ్-19 పరిస్థితి దృష్ట్యా, ఉత్తరప్రదేశ్‌లోని అన్ని విశ్వవిద్యాలయాలు, కళాశాలలను మూసివేయాలని నిర్ణయించారు. రానున్న ఏడు రోజుల పాటు రాష్ట్రంలోని ఏ యూనివర్సిటీ, కాలేజీల్లో ఆఫ్‌లైన్ తరగతులు నిర్వహించబోమని రాష్ట్ర ప్రభుత్వం ఉత్తర్వులు జారీ చేసింది. అయితే విద్యార్థుల చదువులు ఆగకుండా జనవరి 10 నుంచి ఆన్‌లైన్ తరగతులు నిర్వహించనున్నారు. అన్ని విద్యా సంస్థలు షెడ్యూల్ ప్రకారం పరీక్షలను నిర్వహించవచ్చని నిబంధనలను కూడా పేర్కొన్నాయి. శనివారం సాయంత్రం.. ప్రభుత్వం అన్ని విశ్వవిద్యాలయాలు, డిగ్రీ కళాశాలలు, ఉన్నత విద్యా సంస్థలను జనవరి 16 వరకు మూసివేసింది. ఈ సంస్థల విద్యార్థులకు ఆన్‌లైన్ మోడ్‌లో విద్య బోధించబడుతుంది. ఈ ఆర్డర్ ప్రభుత్వ, ప్రైవేట్ విశ్వవిద్యాలయాలు, వాటికి అనుబంధంగా ఉన్న కళాశాలలకు వర్తిస్తుంది.

ఇంతకుముందు 10, 12 తరగతుల వరకు పాఠశాలలు జనవరి 16 వరకు మూసివేయబడ్డాయి. వాటి స్థానంలో ఆన్‌లైన్ తరగతులు కొనసాగుతున్నాయి. అయితే 11, 12 తరగతుల విద్యార్థులు కరోనా వ్యాక్సినేషన్ కోసం మాత్రమే పాఠశాలకు వెళ్లాలి. ఇక రాష్ట్రంలో కోవిడ్ -19 ఇన్ఫెక్షన్ కేసులు 8 రోజుల్లో 16 రెట్లు పెరిగాయి. శనివారం నాడు, యూపీలో 6411 కొత్త కరోనా కేసులు నమోదయ్యాయి, రాష్ట్రంలో మొత్తం యాక్టివ్ కేసుల సంఖ్య 18551కి చేరుకుంది. ఇది మాత్రమే కాదు, మూడవ వేవ్‌లో మొదటిసారిగా 6 మంది రోగులు ఇన్‌ఫెక్షన్ కారణంగా మరణించారు.

Next Story
Share it