వైద్యం చేస్తున్న లేడీ డాక్టర్ పై దాడికి తెగబడ్డాడు
Woman doctor stabbed in Kerala by man she was treating, doctors hold protest. కేరళ రాష్ట్రంలో వైద్యులు నిరసన ప్రదర్శనలకు దిగారు. అందుకు కారణం మహిళా డాక్టర్ పై ఓ పేషెంట్ దాడికి తెగబడడమే..! కొ
By Medi Samrat
కేరళ రాష్ట్రంలో వైద్యులు నిరసన ప్రదర్శనలకు దిగారు. అందుకు కారణం మహిళా డాక్టర్ పై ఓ పేషెంట్ దాడికి తెగబడడమే..! కొట్టారక్కరాలోని తాలూకా ఆసుపత్రిలో బుధవారం నాడు 22 ఏళ్ల మహిళా డాక్టర్‌ను మద్యం మత్తులో ఉన్న పేషెంట్ కత్తితో పొడిచాడు. అక్కడితో ఆగకుండా కుటుంబ సభ్యులతో కలిసి గొడవకు దిగాడు ఆ వ్యక్తి. దీంతో అతడిని ఆసుపత్రికి తరలించినట్లు పోలీసులు తెలిపారు. ఈ సంఘటనకు వ్యతిరేకంగా వైద్య నిపుణులు కొట్టారకరలో ధర్నాకు దిగారు.
కొట్టారక్కర పోలీస్ స్టేషన్‌లోని ఒక పోలీసు అధికారి మాట్లాడుతూ.. ఆ వ్యక్తి కాలు మీద గాయం ఉండగా డాక్టర్ కట్టుకట్టడం మొదలుపెట్టారు. దీంతో అతను ఉన్నట్లుండి రెచ్చిపోయాడు. కత్తెర మరియు స్కాల్పెల్ ఉపయోగించి చుట్టూ నిలబడి ఉన్న ప్రతి ఒక్కరిపై దాడి చేశాడు. 42 ఏళ్ల సందీప్ అనే వ్యక్తి ఈ దాడికి తెగబడ్డాడు. అతడు వృత్తి రీత్యా ఉపాధ్యాయుడని పోలీసులు తెలిపారు. తీవ్రంగా గాయపడిన డాక్టర్ వందనాను తిరువనంతపురంలోని ప్రైవేట్‌ ఆసుపత్రికి తరలించారు. అయితే చికిత్స పొందుతూ ఆమె మరణించింది. ఈ సంఘటన కేరళలో కలకలం రేపింది. ఆ రాష్ట్ర ప్రభుత్వ వైద్యుల సంఘం, ఇండియన్‌ మెడికల్‌ అసోసియేషన్‌ (ఐఎంఏ) ఈ దాడిని ఖండించడంతోపాటు నిరసనకు పిలుపునిచ్చింది.
